政府拒採取民間建議與內地「封關」，但港大感染及傳染病中心總監何栢良傍晚強調，支持全線「封內地關」，形陷是「非常時期用非常手段」。他在 facebook 指出，封關是上策，更是單一及最有效的措施， 「等疫情穩定落嚟， 等香港官員瞓醒，等有足夠口罩及 火酒搓手液畀市民用，等全線落實其他所有措施， 才慢慢放寬， 咁樣先至係從嚴。 病毒唔等人呀！」
特首林鄭月娥今日下午召開記者會公布一連串措施應付武漢肺炎疫情，但拒絕坊間要求與內地「封關」。林鄭在記者會解釋，貿然截斷所有與內地往來不適宜、不實際，因為病毒可經其他地方傳播，對於有醫護組織表明，如不回應訴求，考慮有工業行動，林鄭呼籲勿採取激烈對抗行動，「唔係下下有激烈行動…我呼籲大家，唔好用激烈對抗態度去爭取自己訴求。」
廣告（請繼續閱讀本文）
梁卓偉：封關並非「正確、可行」策略
港大醫學院院長梁卓偉指出，抗疫決策只能建基於科學，「要信科學，任何科學以外考慮，都唔可以用。」梁卓偉引述世衛指出，疫情未去到公共國際公共衛生緊急事件層次，不應該對中國內地旅遊警告，相信背後有很多科學考慮，相信世衛專家全是科學家，「無人做政治」。
他指出，過去20年經過禽流感、沙士、豬流感等事件，「到今日，從來無試過，因本地或外地疫症而封關。 」梁卓偉指出，今早與袁國勇、許樹昌、福田敬二等三位專家商談，三位專家持同一意見，封關並非「正確、可行」的策略。
廣告（請繼續閱讀本文）
守護言論與新聞自由。立場新聞，寸步不退。
每月贊助支持立場新聞
Barry Lai 咩叫政治超越科學，佢做咗一次示範.。
2020年01月25日12:47
Tak 唔得 香港政府首要任務係要討好大陸 令大陸人黎到香港接受治療、醫療福利
就算全香港人感染哂病毒 都要繼續比大陸人入境！
2020年01月25日12:24
Samuel Lee 其實唔係要封關，係要封港先有用。
係外國機場轉機，唔會知道有咩國籍既人感染咗，之後呢位/批受感染既由空路入咗香港，都係一樣。
唔再比任何人入境香港，先係最有效既方法。
2020年01月25日14:03
Simon 對，支持
2020年01月25日13:20
夜魅 封關，禁食材運唔運落黎，物流係咪都停哂，香港發生沙士中國都無封關啦，唔明d人點解唔可以諗番轉頭
2020年01月25日13:24
顯示全部