廣告（請繼續閱讀本文）
劉沛蘅（Hillary）和涂毓麟（Oscar）為香港開電視新節目《如果Pet Pet識講嘢》擔任主持，節目中兩人會尋訪不同的寵物主人，透過主人與寵物之間的交心相處，分享多個人與動物的感人故事。其中，家養三狗兩貓三龜的Hillary表示，雖然家裏貓犬共冶一爐，但牠們相處融洽，「我隻貓囡囡成隻狗仔咁，一啲都唔似貓，好黐我。有晚我心情唔太好，帶住個壞心情瞓覺，成晚都覺得好熱，第二朝一睜開眼，成大個貓頭喺我眼前，原來佢陪我瞓咗成晚。」Hillary又爆愛犬護主的難忘事，她憶述：「有一次有朋友行近我，Choco（愛犬）突然好Alert（警覺），之後朋友作勢想打我，Choco係咁吠佢、想咬佢。發現原來Choco識得護主。」談到拍攝期間的趣事，Hillary指最有趣是跟蜜袋鼯、格力犬等寵物首次接觸，第一集更會介紹無毛貓及帝王蛇蜥，她說：「其實最難忘除咗要接觸我最驚嘅爬蟲類同兩棲類動物外，仲有就係其中一位寵物主人同寵物相依嘅故事，主人與寵物同時患癌，兩者都要割去脾臟，不過佢哋冇放棄，而且彼此互相支持，為對方努力生存，互相靠依，好感動。今次訪問咗好多嘉賓、聽咗好多佢哋嘅故事，令我有好多得着同反思。」