林心如開工拍劇　老友探班停不了

台灣女星林心如與老公霍建華早前傳出婚變，之後兩人喺林爸爸大壽晚宴，深情玩合卺交杯，以行動打破謠言。之後林心如繼續投入拍攝，為台劇《華燈初上》開工，仲獲身邊好友車輪轉探班。

繼早前徐若瑄探班時為劇組送上漢堡包車，今日林心如又上載咗許瑋甯、楊謹華及許茹芸（琇琇）探班相，佢哋仲送上美食，林心如喺社交網道謝：「昨天戲太多太忙，探班朋友太多太忙，探班食物太多太好吃，所以忘記發了，今天補上。謝謝琇琇帶來的白水豆花，大家吃的笑呵呵還打包。」

此外，現場仲有好多其他好友送嚟嘅飲料同埋甜甜圈，開工都可以好似開party咁開心，佢又笑言：「探班的通告已排到11月底請提早預約，愈晚來的壓力愈大啊！」

東網網站 : https://on.cc/

東網Facebook專頁 : https://www.facebook.com/onccnews/