《全民造星3》播出兩個星期，成功引起熱話，當中身高178cm的「港版石原聰美」鄭嘉欣被指身高及外型冠絕全場，有模特兒身高參賽者，亦有哈比人身高的參賽者，18歲的王嘉莉身高148cm，面試時一進場由於身高萌令評判忍不住發笑，更難得未有被《全民造星3》監製花姐當面責罵，已經算有運行﹗
文：東方新地 ｜ 圖：ViuTV《全民造星3》截圖、王嘉莉IG
廣告（請繼續閱讀本文）
《全民造星3》最矮參賽者
《全民造星3》最新一集（13/11) 其中一個的參賽者是18歲的王嘉莉(Kelly)，王嘉莉不僅年紀細，身高也是全場最矮之冠，由於身型矯小，加上甜美的笑容，甚得人喜愛，被指跟同族的鄺潔楹Judy相當似樣，面試時一進場，由於五呎未夠生得的骰，彭秀慧同林二汶都忍唔住笑。
廣告（請繼續閱讀本文）
王嘉莉冇被《全民造星3》監製花姐嚇親
《全民造星3》參賽者王嘉莉生得嬌小可人，彭秀慧及林二汶對她印象不俗，而向來惡形惡相的花姐，竟難得沒有黑住面口，而係笑住口但說話卻不留情面地話：「你又矮籮柚又大，又肥，真係大鑊﹗」王嘉莉未有被花姐氣場震懾，反而笑住自嘲：「係呀，我又肥又矮，真係好大鑊﹗」花姐又問年紀輕應該有長高的可能，王嘉莉即說：「冇得再高㗎喇﹗因為我小學時衰囉，學人減肥﹗」
廣告（請繼續閱讀本文）
王嘉莉最想帶歡樂給港人
雖然被花姐笑外型生得輸蝕，不過王嘉莉卻充滿自信話：「我要做史上又肥又矮嘅偶像﹗」氹得在場人士哈哈大笑，評判之一林二汶問：「即係你想向最矮天后進發？」王嘉莉充滿自信答：「YES﹗」樂觀可愛性格令王嘉莉順利入圍，王嘉莉又話：「好想透過我嘅表演，帶畀香港人積極、正面、開心。」雖然生得比人矮，但志向不比人低。
王嘉莉出道兩個月歌手
王嘉莉中學畢業後因參加歌唱比賽，被現時的唱片公司簽約旗下，剛推出新歌〈微風〉，出道僅兩個月，同時攻讀幼兒護理課程，近日跟同公司的師兄劉卓軒一同參加《全民造星3》。