廣告（請繼續閱讀本文）
廣告（請繼續閱讀本文）
25歲的女子組合Bingo成員關嘉敏（Carman）入行3年，以跳唱女圑成員身份成「宅男女神」，原來她一直有個「打女」夢，近半年拜無綫藝人冼灝英門下學大聖劈掛，日前穿上運動Bra Top及短褲現身拳館，甫抵步先瞓地做熱身，露底之餘又漏「事業線」，緊接練體能跳躍動作，見師傅不停用棒掃其長腿時，其36C上圍隨身體上下搖動，場面相當震憾，跳到「扯晒蝦」，最後攰到要坐在地下回氣。
Carman表示學功夫比想像中辛苦又易受傷，不過未想過放棄，談及最傷一次時說：「師傅超級嚴格，有次我記錯咗打狗棍法招式，佢就用好粗、好大碌嘅棍打落我腳頭度，即時瘀咗，因為好痛，我以後唔會再錯。」
廣告（請繼續閱讀本文）
而另一次慘痛經驗是，因練功太多導致膝頭哥軟骨組織磨損，痛到舉步維艱，連如廁都成問題：「屈唔到腳，要用雙手撳住幅牆再慢慢跣落去，等對腳要伸直咗先坐得低。」最後要針炙及養傷三個月，傷患才有好轉，不過要長期戴護膝。
問為何鍾情功夫，她說因想拍動作片做打女：「雖然有啲人覺得女仔做打星會好粗暴、好趕男仔客，但我反而覺得好有型、好有吸引力，所以楊紫瓊係我目標，佢嘅堅毅精神我都好想學，佢都係20幾歲先開始學功夫，我睇晒佢啲動作片，覺得佢好有殺氣。」
如學有所求，她亦想上擂台參加比賽測驗自己實力，但不會長期應戰，因容易受傷會影響其演藝事業，而學功夫後最大得着是：「家姐唔再撩交打，不過我都會怕色狼，我始終係女仔嘛。」
東網網站 : https://on.cc/
東網Facebook專頁 : https://www.facebook.com/onccnews/