香港人越食越嘴刁，要搵到一間食到正宗又經典嘅原味佳肴認真唔容易，最近就有一間地道西班牙菜，專食黑毛豬嘅新派餐廳進駐蘇豪開新分店，口碑亦都相當唔錯！就等小編同大家分享吓呢間餐廳有咩特色同必食首選啦！

圖片來源：El Cerdo、SAUCE｜撰文：Debbie

餐廳打卡位！Pet Friendly寵物友善區

圖片來源：El cerdo

行到門口就已經見到呢個非常搶眼嘅打卡位，原來係餐廳特別邀請咗本地藝術家Leon Lollipop親自操刀手繪呢幅藝術牆身畫，令到整體感覺更加活力。餐廳室外範圍亦係Pet Friendly區域，客人可以盡情享受食物之餘又照顧到小毛孩～

圖片來源：El cerdo

餐廳用餐位置唔多，入面嘅裝修同格調比較悠閒同輕鬆，就算冇得去旅行，個感覺上都好似入咗去外國嘅小餐館咁Chill！

堅持全人手切割 極上伊比利亞黑毛豬火腿

圖片來源：SAUCE

餐廳特登選用60個月熟成嘅伊比利亞黑毛豬火腿($248)，而且餐廳堅持全人手切割除咗會比用機切更厚實之外，亦會跟隨肉類本來嘅紋理進行處理，令到火腿更有口感，食落仲充滿濃郁嘅肉香添！

圖片來源：SAUCE

另一款必試菜式就係西班牙黑毛豬扒伴焗肉桂蘋果配迷迭香醬。雖然係厚切豬扒但入面肉質非常嫩滑！唔好以為隔離個蘋果只係裝飾，其實係一個迷迭香焗肉桂蘋果嘅Side Dish，食落有淡淡果香仲可以減返食肉嘅油膩感添！重點呢道菜係九月限定菜式，所以想試嘅朋友就要快啲去試！

圖片來源：SAUCE

西班牙菜又點少得西班牙炒飯($178)呢味經典菜！就咁睇落去個賣相已經好吸引，仲好足料啊。雖然份量唔算多，不過兩個人食就啱啱好喇！

圖片來源：SAUCE

甜點控對Churros應該唔陌生，餐廳專登將本來呈長條型嘅玉桂條整成容易入口嘅小點心，令客人可以方便進食之餘又唔會太過飽肚，真正體驗到西班牙正宗甜品滋味。

9月限定優惠 優惠價1蚊換炸黑毛豬火腿球一粒

圖片來源：El cerdo

為咗慶祝新店開張，由即日起至9月30日，但凡喺中環店堂食人均消費滿HK$150就可以用優惠價HKD1換1粒火腿球(*每人限購2粒)。如果想試吓地道、價錢又相宜嘅西班牙菜，經過中環不妨試一試啦！