廣告（請繼續閱讀本文）
廣告（請繼續閱讀本文）
「星洲視后」唐詩詠於馬來西亞甚受歡迎，得獎後的她繼續吸金，日前為沐浴露品牌拍攝廣告，亦於馬來西亞舉行了一個大型的記者會，現場有不少粉絲舉牌支持，相當熱情。今次是唐詩詠首次拍攝要露肩邊捽泡泡、邊洗澡的沐浴露廣告，更見她拍時狀甚舒服、享受，笑容甚甜美，但她坦言拍時都有些尷尬。她受訪時謂：「啲工作人員對我都好好，拍攝當日有好多好多食物預備供應畀我，等我有足夠嘅精神，因為原來拍沖涼都好攰㗎！一啲都唔容易，平時拍戲角色要沖涼就冇乜尷尬，但嗰日要對住一班人時，雖然都只係扮沖涼，但都會覺得有少少尷尬，不過係幾得意嘅！」
最想拍衞生巾廣告
唐詩詠入行以來拍過不少廣告，問她有甚麼廣告渴望拍時，她笑謂：「其實我人生第一次拍嘅係衞生巾廣告，當時係喺街上被星探發挖搵我拍嘅，如果你問我依家有乜嘢廣告想拍，我都係想拍番衞生巾廣告囉！哈哈！」問她為何拍過都想再拍，是否想做代言人有免費待遇時，她笑言：「冇錯！衞生巾如果有免費嘅話就好喇！」
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/