大概早喺一個禮拜前（8/31），陳智燊同老婆宋熙年嘅愛情結晶品出世。宋熙年剖腹生B仔，BB重6磅，新手爸爸Jason仲親手為BB剪臍帶添！佢哋同時更新咗Instagram，叫自己個仔仔做「Boss Baby」。
Jason接受傳媒訪問時表示，剪臍帶嗰時好似剪綵咁，醫生仲叫佢影咗相先！24孝陳智燊知道老婆大咗肚之後，每隔1個鐘就叫Sarah小心。睇嚟Boss Baby都幾頭痕！
廣告（請繼續閱讀本文）
琴日，香港藝人鍾嘉欣宣布從此屋企多咗個新成員。年頭宣布懷有第二胎嘅鍾嘉欣，透過Instagram向大家報喜，仲貼咗兩張仔仔（Jared）嘅相。
廣告（請繼續閱讀本文）
Jared頭髮多多，臉仔圓圓，非常趣緻。鍾嘉欣接受訪問嘅時候講，仔仔Jared同囡囡Kelly似樣到好似龍鳳胎咁，仲透露今次係喺屋企自然生產，過程順利，不過就好痛好痛。
廣告（請繼續閱讀本文）
內地歌星薛之謙同日喺微博宣佈喜訊！35歲大陸藝人薛之謙榮升做爸爸，佢喺微博上載一家三口嘅手指相宣布BB已經出世，Caption寫住「無論我貧窮富貴，順境逆境，此生我們三人相依為命，不離不棄，感謝所有支持和相信我們的人，感恩」
BB媽媽就係曾經同薛之謙離婚，2017年復合嘅Model高磊鑫。佢哋叫BB做「小雪糕」。
恭喜晒！希望喜事陸續有來，鍾嘉欣同宋熙年嘅好朋友李亞男都有咗，希望遲下可以一次過見到晒佢哋嘅仔仔女女啦～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）