萬眾期待，被譽為最豪華份量嘅串流平台Disney+終於喺11月中同大家見面喇！作為同Netflix對撼嘅串流平台，大家都非常期待Disney+嘅原創同獨家作品，而令到小編最想貨金Disney+係因為大部分動畫都有細個聽慣聽熟嘅粤語版配音同最新嘅漫威作品！如果想知更多Disney+有啲乜嘢大作記得睇埋落去啦！
圖片來源： 網上圖片、Disney+ | 撰文：Debbie
Disney+懶人教學（1）：Disney+有啲咩睇㗎?
咪以為Disney+淨係得米奇妙妙屋同動畫睇，內容真係豐富到你唔信呀！最唔少得就梗係有經典嘅迪士尼原創，PIXAR彼思、MARVEL漫威系列、STAR WARS星球大戰頻道有齊包括《怪獸公司》、《反斗奇兵》、《盛夏友晴天》、《超人特工隊2》、《復仇者聯盟》、《尚氣》、《洛基》、《星球大戰》系列電影同卡通。仲有陪同小編長大嘅歌舞片《High School Musical 1-3》同 長青動畫《The Simpsons》！用人均$16嘅價錢就可以睇到晒六大頻道嘅作品，係咪聽落都有啲心動呢！
Disney+懶人教學（2）：Disney+點樣收費？
Disney+嘅收費非常簡單，分為月費$73同年費$738。
每個帳戶可以設置最多7位使用者，同一時間亦支援4部裝置同時串流收看！小編同大家計過，最抵用嘅方法梗係一次過訂閱一年，同4個朋友Share嘅話，每人每個月都只係需要俾$16咋！
Disney+懶人教學（3）：個人化帳户
Disney+懶人教學（4）：有咩途經可以睇到Disney+?
一般Smart TV已經有支援Disney+嘅應用程式，包括Google TV、Android TV OS、Apple TV 4K、Apple TV HD、Chromecast、以及配備最新軟體版本嘅Hisense TV、LG TV、配備My Home Screen OS Panasonic 4K TV 運行 Tizen 操作系統嘅 Samsung 智能電視都支援Disney+；同時，PlayStation 4、PlayStation 5、Xbox One 同 Xbox Series X/S等遊戲主機亦同樣可以Download ! 咁就唔洗淨係Netflix & Chill，就連Disney+ 都可以Chill啦！
Disney+懶人教學（5) – Disney+必追劇集電影
講咗咁耐，終於到本文重點喇！究竟Disney+有啲咩必追劇集電影呢？小編就嚴選咗幾部俾大家！
必追劇集電影 (1) –《鷹眼 Hawkeye》
鷹眼係Marvel電影宇宙中首部以聖誕節作為背景嘅劇集，故事講述鷹眼喺充滿節日氣氛嘅聖誕遇上同樣是神射手兼其頭號粉絲。當鷹眼遇上女神射手，一大一細，一個冷靜，一個衝動，少不免連反鬥咀，火花四濺，笑料十足！兩人更聯手對付敵人，上演連場激戰，一幕幕精彩武打射擊動作場面震撼螢幕！作為漫威Fans點可以唔支持！以後可能就係女鷹眼繼𠄘鷹眼㗎啦！
必追劇集電影 (2) –《雪降花》
《雪降花》由韓國一線演員丁海寅同BLACKPINK
成員金智秀（Jisoo）主演。《雪降花》故事背景設定在1980年代末的首爾，講述一對情侶一見鍾情、墜入愛河的浪漫故事，可惜及後發現彼此深陷複雜謎團與命運巨變漩渦。Blink一定要追！
必追劇集電影 (3) –《怪獸開工》
鍾意大眼仔同毛毛嘅粉絲們記得要睇埋《怪獸開工》呀！呢套其實係《怪獸公司》延伸落去嘅電視動畫，講到毛毛同大眼仔成為公司話事人，點樣去製造更多笑聲能源！不過佢哋就唔係本劇最大主角，今次加入咗個新角色叫「泰拿」，原本就請咗佢做驚嚇專員，點知公司轉咗用笑聲能源之後佢就調咗職去怪援部嘅部門！成個故事都好有趣，鍾意就記得去睇啦！
必追劇集電影 (4) –《32季 The Simpson》
小編除咗喺Marvel嘅忠實粉絲，更加係《阿森一族》嘅大FANS！你話點先可以搵到個平台係可以睇晒咁多季？答案就係Disney+喇！雖然第一季係冇咁清但已經令到小編好感動！佢哋仲額外收錄咗短片小劇場，想睇一啲輕鬆小品可以去睇吓㗎！
必追劇集電影 (5) –《Running Man向前衝》
《Running Man向前衝》是SBS首爾電視台人氣綜藝節目《Running Man》的首部衍生節目，由原班人馬金鍾國、Haha和池錫辰擔大旗，要同眾多名人嘉賓接受全新任務同挑戰。呢部刺激好玩嘅全新原創節目將於Disney+串流平台旗下嘅Star播放！