何雁詩自爆因「第三者風波」瞓車尾避記者 首承認與謝東閔曾拍拖

29歲何雁詩與鄭俊弘早前補擺囍酒，離巢TVB往的她日前接受陳志雲YouTube節目《Stephen．傾》訪問，剖白當年介入鄭俊弘（Fred）和富貴未婚妻Beebs，被指搶人未婚夫一事，陳志雲更踢爆何雁詩曾與謝東閔拍拖。

何雁詩在節目上透露，他喜歡Fred的原因是「因為佢靚仔」，陳志雲問她「你係咪同過謝東閔拍拖？」，阿詩最先露出尷尬笑容不置可否，之後說道：「我從來冇公開認過㗎喎！」陳志雲再三追問交往過程，何雁詩以一句作結：「佢係一個好好嘅男仔嚟嘅。」

何雁詩憶述她與鄭俊弘感情，指兩人在TVB認識多年，直至簽約同一間唱片公司（星夢唱片）後，關係更密切。「當時我問佢咁我哋依家嘅關係即係點，不如我哋試吓喺埋一齊。」當時鄭俊弘被傳媒踢爆有女朋友，更指兩人已進入談婚論嫁階段，何雁詩頓時被網民狠批是第三者，甚至是「搶人老公的小三」。

阿詩解釋自己當時不知道Fred有女朋友，更向傳媒表明「我清者自清」。她表示兩人「各自嘅career俾咗好大嘅代價」、「我係有唔開心同有內疚，我令到另一方唔開心，雖然當時我唔知，呢個係我自己嘅感受，我唔可以代表Fred講任何嘢，但我覺得我唔係一個人嚟，我覺得當時我言行舉指都有問題，講嘢唔經大腦。（講咗啲咩唔經大腦？）我有講我清者自清，但我企喺觀眾立場『你都唔係清者』，我都好理解公眾嘅心情，但我覺得個天係要我經歷呢啲嘢，令我上返啱嘅軌道。」

何雁詩指當時第三者事件轟動全城，大批記者連日留守她住所附近，令她與Fred出入不方便，「嗰陣問朋友借咗架van仔，我同Fred出入就瞓喺車尾」。阿詩又指當時家人對她無限量支持，「佢哋默默支持我，會買嘢畀我食。」