廣告（請繼續閱讀本文）
趙增熹跟現年15歲的譚芷昀(Celine)出席銀行舉辦的活動，兩人在晚宴中合作表演《Stand By Me》、《愛是永恒》及《My Heart With Go On》多首名曲。Celine於2017年參加美國才藝節目《America's Got Talent》廣受認識，今次是趙增熹提議跟她合作演出。他說：「其實我都係Celine的Uncle，識咗十年啦！當年佢嘅唱功勁到嚇親人，佢係我音樂製作的學生，所以我哋不時都會合作表演。近年好多創作歌手，每位我都想同佢哋合作，好似『中學師弟』林家謙一齊玩吓都好。早前Gigi演唱會，知道擔任嘉賓的Edan有作歌，但凡係唱作人可以埋嚟，我都想有啲火花。」
趙增熹笑言自從擔任比賽評判後，不時接拍廣告，但仍未習慣見到「自己」。他笑說：「有口罩令時可以遮住先，但去到餐廳除口罩就會被認出叫『趙生』。」他透露拍銀行廣告後，順便開了戶口，現在有專人打理血汗錢。他說：「我試過自己管理資產，後來發現交畀專家搞好啲，雖然未可以叫『上咗岸』，但現在工作是我的夢想，好似想做教育方面，需要收入去幫助圓夢。」
（即時娛樂）
廣告（請繼續閱讀本文）