馬德鐘新劇內地同步播　搵賴慰玲吳偉豪組鐵三角

藝人馬德鐘、陳煒、吳偉豪、賴慰玲、陳曉華、蔣家旻、游嘉欣等主演的無綫劇集《非常檢控觀》暫定本月25日首播，更會與內地網站同步播出。此劇除了有強勁演員卡士參演，劇情亦有別一般律政劇，講述馬德鐘所演的非常檢控觀帶領一眾團隊，透過非一般的手法，為受害人尋求公義，帶出非常檢控觀念。

而馬德鐘、賴慰玲及吳偉豪於劇中組成查案「鐵三角」，昨日，他們更於社交網PO出與陳煒一起的飯局照片，馬德鐘接受東網獨家訪問時謂：「等咗好耐喇！之前4月、7月內地網不時傳出會播，依家終於播就梗係開心啦！咁辛苦拍完套劇大家終於睇到，可以同內地網站同步播都係好事，多啲人可以睇到。其實劇入面啲好多單元古仔、奇怪案件，大家一齊邊睇邊拆解，都幾得意。」問到內地播放會否都希望之後於內地接多些JOB時，他謂：「播時差唔多聖誕，都希望可以接到多啲唔同工作，有劇出、有宣傳就多啲機會同大家見面，都係幾開心嘅事！」他又指劇中有很多單元，當中很多角色戲份都很重，很開心可以跟不同演員合作，擦出火花。

東網網站 : https://on.cc/東網Facebook專頁 : https://www.facebook.com/onccnews/