佘詩曼、湯盈盈、周家蔚、姚樂怡、鍾麗淇、梁靖琪、文頌嫻等人組成「七魔女」，感情相當要好，不時約出來搞聚會。昨日（23日）正好是姚樂怡的51歲生日，她們一起食飯慶祝，卻沒想到太高興而出「意外」，切蛋糕時搞到一鑊粥，整個蛋糕突然跌落枱底，場面十分搞笑。
廣告（請繼續閱讀本文）
姚樂怡與幾位好姊妹相約飯聚慶生，獨欠鍾麗淇未見人，當一眾姊妹圍住捧著蛋糕的姚樂怡唱生日歌，梁靖琪與文頌嫻就用手把蛋糕上的忌廉塗在壽星女面上，阿佘就肉緊咀落姚樂怡的頭髮，怎知道蛋糕突然「瀡」了落地，眾人驚慌「O嘴」，但又不忘爆笑，而壽星女姚樂怡即謂：「畀番個蛋糕我」，相當無奈。
廣告（請繼續閱讀本文）
佘詩曼將片段貼上社交平台，笑指希望姚樂怡過了一個最好亦最好笑的生日。文頌嫻亦有拍片直擊「意外」發生，並寫道：「生日派對的混亂現場，生日小插曲，目擊意外事件發生，姊妹臨危不亂，享受當下，繼續保持歡笑，發放正能量，『怡反』手持『飯聚』證據。」從片段中可見，湯盈盈最珍惜食物，用叉拮起一少部份放入口，又表示「仲食得」。
廣告（請繼續閱讀本文）
姚樂怡亦有寫道：「今年生日喺腸胃炎中渡過，本身胃氣頂住個肚…就喺切蛋糕嘅一剎那，感覺胃氣出哂黎冇再谷鬼氣！有呢班姊妹太多歡樂啦！感恩！但係我仲未食嗰個蛋糕！」幸好在「意外」發生前，她先後跟好姊妹捧住蛋糕合照，總算有個難忘回憶。