現年38歲的鍾嘉欣（Linda）婚後育有一仔一女，今年4月宣布懷有第三胎。今日Linda在社交網分享三張大肚寫真，相中的她穿上粉紫色泳衣，摸着巨肚面露幸福笑容，見她手腳仍十分纖幼，完全是肥胎不肥人，Linda又留言：「粉紅色或藍色？我已經好愛你（Pink or Blue? I already love you. ）」還請大家猜猜BB是個男生還是女生。
廣告（請繼續閱讀本文）
Linda亦在個人頻道更新近況，她暗示了BB的性別，「佗仔呢，佗得低，手腳係好纖瘦，淨係個肚突出嚟就可能係仔。如果你另外一半冇增磅，皮膚好靚冇暗瘡，好透好glowing就係仔。如果佗女會嘔得好犀利，賀爾蒙高高低低情緒化到不得了，依家我幾穩定每日都幾開心，如果佗得高係女，我覺得我佗得幾低。佗女會鍾意食啲好甜嘅嘢，我又冇。」Linda隨後擲銀仔，連擲兩次都是代表男仔的「字」，「佢（指着天）估緊我佗仔。」不過嘉欣則稱其實男或女都沒所謂，最緊要小朋友健健康康。
廣告（請繼續閱讀本文）
廣告（請繼續閱讀本文）