兩名旅韓港人因為路不拾遺而意外現身韓國綜藝節目，引起韓國同香港網民嘅熱烈討論。由國民MC劉在錫、HAHA、李美珠等人主持的韓國綜藝節目，每集會去到韓國全國各地進行隨性或企劃性錄製的綜藝節目，每集都會有唔同嘅主題。
廣告（請繼續閱讀本文）
最新一集節目中，以「地鐵遺失物品篇」為主題，節目組將一個銀包放在忠武路地鐵站的一張長凳上，並事先在附近安裝了隱藏攝錄機，而節目成員等人則坐在失物認領處内觀察路人的舉動。
有唔少韓國人路過見到都好似已經習以爲常，以爲可能係物主暫時行開咗，但係有一pair情侶見到就選擇咗路不拾遺，將個銀包拎咗去失物認領處。係節目成員嘅簡單采訪之下，先知道原來佢哋係嚟韓國旅游嘅香港人Jacob同埋Tracy，佢哋都唔知道原來呢個係一個測試，節目組都有為佢哋準備大獎，包括冰箱、洗衣機、掃地機械人，72寸電視等等，更表明可以寄到香港。
廣告（請繼續閱讀本文）
但對於Jacob同Tracy嚟講，路不拾遺不過係舉手之勞，佢哋拒絕咗獎品，更向節目成員表示：「要將獎品捐畀有需要嘅人」，令其中一位節目成員覺得自己「我係度諗緊呢六個獎品邊個係最貴」嘅諗法真係太令人羞愧，其餘節目成員都感動到落淚，覺得真係太了不起，大叫：「我都要去香港做善事！」最後Jacob同Tracy與節目成員合照作爲紀念禮物，真係發揮咗「香港精神」！
廣告（請繼續閱讀本文）
呢集節目出街之後引起韓國同香港網民嘅熱烈反應，有韓網友留言：「多謝你哋兩個嘅溫暖，春天會早點到來。」，而香港網民除左覺得節目中出現香港人十分親切以外，部分網民都話「睇咗好多次，真係睇到眼濕濕」，更大讚「咁樣先係真香港精神，説好香港故事！」
圖片：YouTube 韓綜《玩什麽好呢》（놀면 뭐하니?）擷圖