廣告（請繼續閱讀本文）
黃秋生、蘇玉華、歐鎮灝（George）等，昨晚（14日）於尖沙咀出席「第四十九屆香港國際電影節《不赦之罪》首映」，黃秋生透露拍了很多外國電影還未上，問少有參演港片的他，今次感覺如何？他說：「如果一部接一部都唔錯，希望呢部戲收得，呢部宗教味好重，希望有神跡。」
黃秋生被戲中演的牧師角色考起，的確有點難度，幸有飾演太太的蘇玉華在現場給他信心，他說：「有場喺水池受洗戲分，要演到情緒大爆發，如果唔係佢在場幫我遮遮掩掩，我就穿崩，所以要多謝佢。」
廣告（請繼續閱讀本文）
蘇玉華表示與黃秋生在舞台劇、電視劇及電影均合作過，今次也感到過癮，黃秋生笑道：「有佢喺度，起碼有啲咁上下年紀嘅人傾偈，同啲後生唔知傾咩好，因為唔知George性格取向，不過佢好勤力又肯學。」
George表示首次拍戲，兩位前輩給予他很多意見及鼓勵說話，他指首次面對2位前輩時，的確有點驚。他指角色在演技上確有挑戰，因要拍強姦戲在心理上有一定難度，不過現階段想嘗試不同類型角色，問拍攝時是否要放下偶像包伏？他說：「偶包我一向都冇，由出道至今只想盡量展現自己，畀觀眾睇到。」
（即時娛樂）
廣告（請繼續閱讀本文）