【LINE你睇】麥當勞突發宣佈咖啡退休 網民懷疑「迫飲McCafe」

今日（2023年9月4日）早上香港麥當勞在官方社交平台及刊登報紙頭版突然宣布「麥當勞咖啡退休」，於即日晚上六時「正式道別並暫停供應」，停售包括凍/熱優質濃香咖啡及優質即磨咖啡兩款「平價」咖啡，引起網民極大迴響，紛紛表示難以接受。

不少人留言問以後是否只有McCafe咖啡，質疑麥當勞變相加價「即係逼人加錢飲McCafe啫！」憤然留言宣佈以後會改去其他地方吃早餐。亦有人擔心「冇McCafe嗰啲點算啊？」徬徨無助。

有網民懷緬過去細說：「還記得舊時M記早上11點前放個咖啡壺出嚟比客無限添飲…」獲得不少共鳴點讚。

一位醒目網民分析指附近沒有McCafe的人毋須擔心：「登得頭版嘅九成九係廣告，應該係全線轉用McCafe沖法，美式咖啡、鮮奶咖啡、泡沫咖啡嗰啲… 等你唔洗去有McCafe嘅餐廳都（可以）飲呢啲咖啡。」不過就被另一網民反駁：「咪即係加價囉。」

麥當勞停售咖啡群情洶湧，令不少顧客不捨，甚至怒罵不再幫襯，不過原來「麥當勞咖啡退休事件」只屬虛驚一場；事隔半日後，麥當勞竟再宣布，咖啡只是停售12小時，其間全面升級咖啡機、咖啡豆配方及培訓員工。9月5日早上起，就會免費升級套餐飲品為「McCafé即磨黑咖啡」，現時暫未有加價，即日至9月8日更會一連四日推出早餐優惠可以$10 試飲熱McCafé Latte即磨鮮奶咖啡。

【LINE你睇】每日精選網絡熱話，源源送上新鮮事，LINE你睇唔驚冇話題。