【移民】兒子打算下年移民加拿大 父突中風 迷惘留還是？

加拿大的香港人救生艇計劃暫定在2026年8月31日截止，不少人趕在限期前移民到彼邦。一名有專業背景的港男，打算明年到加拿大工作一年，然後申請PR (永久居民) 資格。但計劃趕不上變化，老爸突然中風，令港男迷惘應否繼續移民決定？

Photo from MamiDaily

中產家庭生活優裕

事主在討論區《Dcard》發帖「我究竟應唔應該去加拿大」，他學業有成，畢業後便在會計師樓工作，並獲得升職，現時收入大約六萬元一個月。事主是獨生子，購買了一層自住樓，與父母同住，兩老一直有工作，父親是司機，母親在百貨公司任職，一家生活安穩又優裕。

Photo from MamiDaily

老公今年突然中風

近年不少港人透過救生艇計劃移民加拿大，事主亦打算下年年中，賣樓遠赴彼邦，他說：「賣咗層樓過加拿大做嘢一年拎pr（永久居民），之後再stay拎citizenship(公民)。夠錢就接屋企人過去。」他預計入籍取得公民資格、抽家人配額，需時6至7年，唯一令他擔心的是在加拿大需從頭做起，賺不到現時的人工。

但人算不如天算，今年三月，老父突然中風，為了醫治，全家用了不少金錢，「老豆中咗風，右邊身差咗好多，揸唔返車。為咗幫佢醫，我同老母都用咗好多錢，但係個成果都係差唔多。」

Photo from 《愛回家之開心速遞》劇照

猶豫應否移民

由於事主是獨生子，家中兩老只得他一人照顧，他迷惘於：「如果我照原定計劃，賣樓走去加拿大，咁香港就會得返我老母一個照顧我老豆。我又係獨仔，無其他嘅家庭support，老母一定會好辛苦。但係如果唔去加拿大，就未必可以再有機會移民離開香港，因為佢個救生艇2026年就會完，已經無乜時間剩低。」他不知道應該留還是走，於是上網討教。

Photo from MamiDaily

網民建議留在香港

看了事主的帖文後，大部份網民建議他留在香港，首先是考慮雙親健康問題，「你去到加拿大=同屋企人分隔兩地，萬一你爸爸病情惡化，唔好彩過身（the worst case），我怕你會後悔自己點解唔當初好好留係香港陪自己屋企人」、「有無諗過7年之後，你父親仲在唔在生？子欲養而親不在」。

其次是經濟考慮，「你係HK做acct捱得咁辛苦先嚟到60K per month，但老實講去到外地就要重新打拼過。你而家屋企都算等錢用，去到加拿大只會有更大嘅經濟壓力」、「當你媽媽一直健康無大醫療支出，但要照顧呀爸所以唔可以返工。兩頭家加埋當你7萬一個月，8年淨係花費都6球，仲未計加息/通脹/匯率變化」、「加拿大普遍都唔係好承認海外資歷/工作經驗，如果有心做返本行可能check下可唔可以transfer qualification先。再加上而家job market真係非常差，要預咗可能好耐都搵唔到工」。

要適應外地文化

有人亦指，移民外國適應不是簡單的事，「你預自己6到7年可以接到屋企人過去加拿大，但永遠唔知道呢個expectation 會唔會fail。因為so far我睇到唔同人移民完之後表示生活冇移民之前諗得咁簡單，先不論你要重新融入當地社會文化，又要再適應新嘅生活習慣，我覺得好大機會你嘅預期同結果唔成正比」。

他們亦安慰事主，明白他擔心救生艇計劃在2026年截止，但現時各國人口老化問題會從其他地方爭人才，事主有專業背景，要移民大把機會。

Text：Mami Editorial
Source：Dcard

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】