Twins昨晚舉行第11場紅館演唱會，是歌迷專場，蔡卓妍（阿Sa）表示︰「今晚係粉絲場，未開騷已聽到大家叫聲，太犀利﹗」。她與鍾欣潼（阿嬌）談到Twins成軍22年不容易，最感謝歌迷陪伴到底時，阿Sa說︰「今晚我想唱一首新歌，呢首歌《忠粉》係送畀所有歌迷，未唱已經想喊。」
兩人淚流滿面唱完新歌後說: 「太感動啦！真係要平靜吓先。」 Twins冷靜後突然唱出軟硬幾句《廣播道Fans殺人事件》，令歌迷捧腹大笑。阿Sa說︰「我哋不嬲係咁，想唔想像到呢22年，我哋都係咁？哈哈﹗」有歌迷大叫Twins咀嘴，阿Sa笑言︰「你哋真係﹗有咩咁特別？又唔係未見過，成日都做㗎啦﹗」阿Sa、阿嬌徇眾要求咀嘴時卻不慎撞向對方，令粉絲爆笑。
廣告（請繼續閱讀本文）
阿嬌親吻後笑道︰「真係無聊呀，見係粉絲場就滿足吓你哋。」兩人在安歌環節換上新衫出場，阿嬌在萬人K歌大合唱後給觀眾500分，阿Sa更說︰「今晚係咪唔使瞓，我都唔想走！點歌啦，安歌到凌晨3點。」Twins最後唱出歌迷要求的《大浪漫主義》、《百試不厭》，《士多啤梨蘋果橙》，《大紫大紅》及《死性不改》，最後還唱多一曲《風箏與風》。
（即時娛樂）