郭思琳順產8磅11仔仔 忍痛17小時吳浩康讚太太：好忍得

38歲吳浩康（Deep）出道以來擁有過多段情史，先後同過胡定欣、莊思敏、鍾舒漫等人拍拖，但冇一段感情開花結婚，直到今年3月初被爆同35歲的郭思琳奉子成婚，上月底二人才入紙申請註冊結婚。事隔六個月，郭思琳今日就在社文平台宣布自己順行誕下8磅11的仔仔，仲透露自己足足忍痛17個鐘！

郭思琳表次生仔過程非常辛苦，仔仔催生了17個鐘都「不肯出來」：「最難捱嘅係好想順產，但一直催生到開刀前都等唔到宮頸打開，淨係不斷地feel到劇烈陣痛」仲話老公Deep在產房聽到仔仔第一下喊聲時開心到好似中獎咁成個彈起。

Deep回應傳媒時透露自己去到醫院時姑娘第一句就講：「其實你太太真係好忍得痛，佢可以咁樣頂，仲頂咗咁多個鐘。」所以好佩服及多謝老婆，亦有多謝大家對他們的祝福。Deep表示有落手剪臍帶，至於仔仔個名Deep就話同爸爸磋商緊，現時仔仔以「撑撑」作為乳名。