【圖文不符？】晒「19年照」電視播緊奧運　林作母親設宴慶生疑犯限聚令

本月3日是林作媽咪王莉妮（Lily）的55歲生日，一向作風無厘頭的林作昨晚（4日）於社交網出Po，表示：「今日係媽媽70歲大壽，打算細搞，一張細台就算。現場人煙稀少，氣氛平淡，夠溫馨，不錯。」並附上兩張聲稱「圖文不符，攝於2019年」的照片，而相中是一個中菜廳，包廂中設置一張約23人座的大圓枱；其後，他再分享了宴會中的豐富菜式，包括鮑魚、魚翅、東星斑、瀨尿蝦、黑松露蝦球等，當中更明顯睇到大圓枱上座無虛席，非常熱鬧。
然而，相中的電視機似乎出賣了林作，不少網民發現電視中疑正播放奧運賽事中，加上餐桌上沒有擺放間隔板，質疑身為前執業大律師的他知法犯法，違反仍然生效的4人限聚令，並紛紛留言：「2年前但電視已播緊奧運？」、「呢個場19年的凳唔係咁樣嘅」、「大律師，你犯法喎」、「限聚令未解施主無隔板喎！」等，亦有人暗嘲：「一定係重播緊2016年嘅奧運」、「可能係奧運2020綵排」，有網民即溫馨提示：「快啲刪除post，有網上警察㗎」，不過林作一於懶理，不作回應。