即將於5月舉行演唱會的MIRROR，今日公佈加開5月9日及10日兩場，合共5場。與此同時，他們推出本年度首支跳唱團歌《WARRIOR》。顧名思義，歌曲講述一班勇士面對重重難關，依然想盡辦法努力克服。早前MIRROR成員以武士造型上陣為新歌拍攝MV，雖然又跳又唱拍足23小時，但12位成員愈跳愈起勁。
廣告（請繼續閱讀本文）
相隔逾半年，MIRROR再次推出跳唱快歌，今次舞步編排上再向高難度挑戰，隊長Lokman楊樂文表示：「今次歌曲籌備了一段時間，編舞上係密集咗少少，而且大家成員都有不同工作在身，都比較忙，所以濃縮咗啲時間，喺兩星期內進行相當密集式嘅訓練，而今次首歌嘅舞步，肥仔（梁業）都有份編排，肥仔出名要求高，我哋個個都跳到大汗疊細汗，都有同肥仔及排舞導師傾點樣令首歌嘅舞跳得更好，相信今次出嚟效果會好浩蕩。」
廣告（請繼續閱讀本文）
MIRROR為了今次MV拍足23小時，期中一part舞步，12位成員要邊跳舞邊灑爽身粉，他們大感有趣。歌曲《WARRIOR》意指克服難關，副隊長Anson Kong江𤒹生稱出道面對最大難關，定必是去年的疫症。「疫情令我哋少咗好多表演機會、聚少離多，未能好似成軍第一年咁日日合作、磨擦出火花。」
廣告（請繼續閱讀本文）
至於問到MIRROR中，哪位成員最似warrior（勇士）？Lokman指Stanley邱士縉及Alton王智德的手臂最粗，最似warrior：「其實MIRROR成員個個都係warrior，因為我哋經歷《全民造星》呢個戰場慢慢長大，每個人都有不同特質，就好似在戰隊中各有不同位置。」
Lokman指新歌是刻意舖排，希望在演唱會上可給大家欣賞到這個浩蕩作品《WARRIOR》，他謂：「之前仲有好多作品及成員嘅solo歌曲，都未試過喺大舞台上表演，今次終於可以畀大家睇。」
