對於喜歡睇波煲劇的 wire 民來說，相信都有聽過 Now E 這個平台吧？不過以往用 Now E 睇波煲劇，萬一家中沒有可靠的寬頻，以 data 睇節目數據量很快就會用光。今日 Now E 就宣佈與 LiKE 100 合作，推出全新的「E + 寬頻優惠組合」，一個優惠價已可同時訂購 12 個月的娛樂 / 睇波組合及光纖入屋家居寬頻服務，對於近日打算選購家居寬頻的 wire 民，確實頗為抵玩。
2 計劃各取所需
今次推出的計劃有 2 個，分別是「英超西甲」睇波組合及綜合娛樂組合，前者包括了 12 個月的英超西甲賽事通行證，讓大家可以在 Now E 平台盡覽 2019 - 20 球季的所有英超、西甲賽事；而後者就包括了 12 個月的綜合娛樂組合，用家可在期間盡情收看 HBO GO、MOViE MOViE PLAY、Now 爆谷台、Viu 及 ViuTV 的節目，亦可收看 Now 新聞台、直播台及財經台，隨時接收最新資訊。此外，兩個組合均包括了 12 個月的 LiKE100 100M 光纖入屋家居寬頻服務，相比坊間隨時要簽訂 24 個月或以上的寬頻服務，這個計劃確實彈性及吸引很多。
▲睇波組合除了有英超、西甲的 2019/20 球季所有賽事欣賞外，就連近日舉行的英超亞洲盃亦可重溫。
▲至於綜合娛樂組合就可盡覽所有劇集電影。
優惠價超抵訂購
值得一提的是，由即日起如果大家有興趣訂購以上任一組合，更可享有優惠價，睇波組合只需要 $1,980（英超及西甲賽事 2019/20 賽季通行證原價為 $1,480，而 24 個月的指定光纖入屋家居寬頻服務費用由 $2,592 起），而綜合娛樂組合更只需要 $1,656（綜合娛樂組合 12 個月費用原價為 $1,632），十分抵玩。另外值得一提的是，即使大家的家居寬頻仍未到期，也可以先享受睇波或綜合娛樂服務，而 LiKE100 100M 光纖入屋家居寬頻服務可以稍後才啟動（12 個月內），甚至想轉戶至親友名下亦可以，極具彈性。
▲睇波組合全期只需要 $1,980，而綜合娛樂組合更只需 $1,656，不但只需要簽訂 12 個月合約更具彈性，而且費用亦更便宜抵玩。
▲組合內包含的 12 個月家居寬頻服務，只需要在登記日起計 30 日內成功安裝，就可以由登記日起計 12 個月內才啟動，甚至可以送贈給親友使用，十分彈性。
睇波可逐場訂購
除了以上組合外，Now E 今日亦宣佈會回應用家需求，推出逐場收費的睇波服務，舉個例子：即使大家沒有訂購一整季的歐聯、歐霸賽事直播組合，也可以在比賽開始前購買「一日通行證」，而收費只是 $28 / 24 小時，令大家不用擔心球隊在分組賽出局後，仍要「硬食」付費，十分體貼。
▲去到今季球季，Now E 更推出 1 日通行證，讓大家可以逐日訂購睇歐聯、歐霸賽事。
▲筆者查閱過，組合內已有 beIN SPORTS 組合，可以單日訂購欣賞意甲、法甲、土超、阿甲、澳職、美職、歐聯、歐霸等賽事，而且只需要 $28 / 24 小時，不算十分抵玩但最少具彈性。
• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/