【印度旅遊教室】印度講價真係咩都得｜意想不到講價方式+種類！識得玩，印度其實幾好玩！

【印度講價好好玩】身邊有不少人都話：「去印度？比錢我都唔會去！」係，印度啲仔真係幾咸濕（之前我係印度做完Meditation，一班人坐車回城市時，班人會不停叫我睇女仔）
係，又會有啲人見你係遊客，想呃吓你錢咁。但識得玩，印度其實幾好玩，又唔係你想像中咁危險，知道他們的呃人手法後篤爆他們，好多時他們都會笑嘻嘻就走人/用個合理一啲的價錢賣嘢比你。在這裡，先分享一些殺價心得：

圖、文：HKYoyoWing – Play Yoyo EveryWhere

印度講價Case 1: 殺價？唔洗用口嘅，扮走就得。

印度這個地方真係唔好講笑，當你一出機場那一刻，已經會有人想呃你。一出孟買機場，我找到了一間找換店。它的Rate 奇低。望了望，想走的時候，有個員工走出來，立即講 “My friend, My friend.” 問我點解走。我話個rate 咁差，叫人點兌。他就講，我地都係男人，計你好rate 啲。我心想……兌換店都有得講價？So amazing！

當我真係想兌時，發現張單有Service Charge(還要唔平)，打算走，找部ATM算的時候，他又話見係我，Waive我Service Charge算。由果一刻開始，我就知扮走這一招work。

之後我去到Ajanta caves，見到個餐牌咁貴，就打算走。點知又聽到”My Friend my friend!”咁我就入咗 “Friend Zone” 比咗個8折我。

印度講價Case 2: 唔洗問價，一吓轟落去。

在上內觀課前，我都以為飲一杯茶大約要10-12Rs（~1.4HKD)，但和當地人講開，才驚覺一杯茶只需5-6Rs！不論是大城市什至是小城鎮，他們都會向遊客Mark up 一倍價錢！難以置信吧？他們是如何得到這共識的呢？我不知道，但以後，我都會反問他們：「不是5Rs 的嗎？」 他們就會說”Yes, yes, 5Rs.”

他們無之後加料，也都唔比少，所以如果知道價錢，可以一下轟落去（此招越南唔多work, 有機會再和大家分享）。

印度講價Case 3: 平常心

「你是我今天的第一個顧客，來，開價吧！這石頭原本150Rs，你想出多少？」
「唔，50Rs 吧。」
「唔…50太少了，你看我的手，都採石採到滿是傷痕了，100Rs吧！」
「不行，其實我對石頭無興趣…」
「好吧好吧，因為你是我今天的第一個客，是神給我的禮物，就50Rs吧！」

但我找遍所有口袋，我發現最低面值的貨幣只有500Rs，我不好意思地跟他說我真的幫不到他了。誰知他說：「沒關係，你有沒有吃的，或是香港的東西和我交換？」幸好，我還有3/4條在斯里蘭卡買的餅乾，我就和他交換了這石頭。

印度人對第一個顧客很重視，應該係真的，因為除了這賣石頭哥哥外，有另一位買帽的少年本來向我兜售一頂可以摺成扇子的帽子，叫價100Rs。但因為我也對這帽子沒有興趣，我就直接殺價10Rs。想不到他既然賣給我了！那次，我真是有點不好意思呢！

如果有印度人sell 你野，有時真係不用立即彈開。因為有時真係唔知他們的真正價錢係幾多。試吓講價，都幾好玩，他們對殺價唔太反感(緬甸就最好唔殺價，都幾多機會會嬲豬)。

當然，做人要有口齒，叫咗個勁低價，如果人地真係做比你，就應該要買。而且有時殺了價，之後發現有地方賣得更平，都唔好太計較，當交流費。咁樣玩印度就會舒服好多。

印度講價例子多到想像唔到！

以下是我成功在印度講價的例子，有啲係為咗幾元…… 其實我都幾無聊哈哈

街邊小食可以講價
坐的士可以講價
長途巴士可以講價
住宿可以講價
洗手間費用可以講價
兌換貨幣都可以講價！

之後我會在這裡分享更多在印度旅遊的小技巧，stay tune。

我在印度拍攝的影片:

更多我在印度的遊記：

www.facebook.com/hkyoyowing.page/