影不到合照是醜的！黃曉明被無品粉絲鬧樣衰

內地一線小生黃曉明，靚仔高大又有型，去到邊都好受歡迎，但佢助手小衞喺微博爆料，話黃老闆慘被公然侮辱，激到佢爭啲想爆粗為黃老闆出氣！乜事？近日喺四川成都為新戲開工嘅曉明，尋日本來開工期間，有幾個路人上前想同佢合照，但劇組人員立刻拒絕：「然後看着他們（路人）滴滴咕咕的離開，經過我身邊的時候清楚的聽到一位大哥用四川話說了句：『長得醜死了』，哎，氣的我也想口吐芬芳！」

該助手網晒黃曉明一頭亂髮、成塊面烏卒卒嘅相，成隻花面貓咁，唔少網民反問黃曉明係咪被炸傷、或者係咪由坑渠爬出嚟之餘，仲大駡口出狂言嘅路人零修養，被拒絕合照即出言不遜！另外，呢位助手小衞因為成日跟住黃曉明，所以唔少粉絲都好喜歡睇佢微博，可以知道黃曉明更多消息。日前小衞網晒黃曉明喺地下又趴又跪，原來路邊一朵小花，引起佢嘅興趣，同小衞鬥影靚相！

東網網站 : https://on.cc/

東網Facebook專頁 : https://www.facebook.com/onccnews/