溫書要有零食是常識吧！研究表示，咀嚼動作能幫助血液進入大腦、醒腦提神之餘亦能減低焦慮同緊張嘅心情。你又知唔知，有咩食物可以增強思考能力、學習能力同集中力呢？只要揀啱嘢食，除咗能夠提升溫習效率，仲唔洗擔心愈食愈肥嘅問題。今日，Tutor Circle 尋補 的小編就同大家分享4個溫書揀啱嘢食小Tips，同推薦4款對提升溫習效率有幫助嘅零食，希望呢篇文章對你有幫助。

1. 溫書零食點揀好？

1.1 避免高糖份食物

測驗、考試壓力大，容易令人心情變得煩躁，無mood溫書。壓力會令人食量大增，特別想食甜野。當我地進食糖分後，身體會增加分泌血清素，使情緒稍為紓緩，令人覺得「開心啲」。但當進食過量高糖食品後，血糖會急速上升。如果身體長時間處於高血糖狀態，會導致胰島素阻抗，會影響腦部血液循環、降低腦部功能同損害認知能力。

1.2 進食含豐富維他命C及B食物

當身體缺少維他命B1及B6，會容易使人煩躁、感到疲倦和心情低落。而維他命C 是抗氧化物的一種，可以中和因壓力產生的自由基，有助於減壓及抗壓功效和加強抵抗力。多進食含豐富維他命C及B食物如香蕉、蕃薯、麥片或全穀物玉米片、木瓜、藍梅、香蕉、橙、西蘭花、三色椒等有助穩定情緒，減少疲倦同失眠。

1.3 選擇含酪氨酸食物

酪氨酸是一種胺基酸，可以刺激大腦分泌更多的「多巴胺」，而多巴胺是一種會影響創造性思考的賀爾蒙。進食含酪氨酸食物如芝士、魚、蛋、大豆、雞肉、菠菜、茄子、馬鈴薯、番茄等蔬菜中，能夠提升大腦思考能力、思考得更透徹，同時亦會增加創造力，絕對幫到需要用腦嘅你！

1.4 多食具護眼功效食物

睇得書多、對得電腦耐，眼睛容易乾澀同疲勞。攝取足夠嘅葉黃素、類胡蘿蔔素、維生素C、E等，對護眼養眼好用架！常見護眼食物有：核桃、紅蘿蔔、西蘭花、粟米、番茄、豬肝、鮮魚、深綠及深黃色蔬果。

2. 四款溫書必備零食推薦！

2.1 韓國Troo天然無添加糖冷凍乾果（藍莓味）

由韓國直送，無添加防腐劑及糖嘅冷凍乾果零食就岩哂長時間溫書嘅你啦！製作過程利用零下40°C速凍技術，去保留最新鮮的水果甜味及原生營養，加上無防腐劑、無添加劑、無色素、無添加糖、非基因改造及不含麩質等八大致敏原。而且藍莓中含有槲皮素和花青素，對提高記憶力有很好的作用，健康又養眼！直接食用又得，加入穀物一齊食又得，食個豐富早餐先開始溫書！

2.2 Granola House 脆萃纖燕麥脆米花

燕麥在營養學界就被稱為「大腦的糧食」。燕麥是低GI食物，具有豐富的膳食纖維，低糖又營養，更含豐富的維生素B、E及鉀、鋅等礦物質，有助於空間記憶及認知。呢款燕麥脆米花分別有有「楓糖胡桃」、「蔓越莓杏仁」、「黑醋栗蔓越莓」同｢法式巧克力」四種口味，一定有款啱你口味！鍾意牛奶、果Jam或者乳酪嘅你不妨撈埋燕麥脆米花一齊食，口感唔錯架！

2.3 Moon Cheese 太空起司

以下落黎介紹嘅呢款零食就岩哂 No cheese no life嘅你啦！Moon Cheese™ 使用真空脫水技術開發的 100％起司零食去除水分，減少對食物的傷害，完整保持食物的顏色、風味及營養，稱得上為完美嘅健康零食。加上保存容易，無需冷藏，超輕便攜，帶去自修室、Coffee shop自私食，帶返學校同朋友一齊分享又得！

2.4 Gretel Sprouted Cashews Nuts

腰果富含纖維，能防止血糖升高，當中亦含有豐富的色胺酸，是製造血清素的原料，有助適當提高血清素的濃度，緩解緊張情緒及改善焦慮，讓人獲得較好的睡眠。這款由新加坡出產的腰果零食，分別有松露、鹽味焦糖、咸蛋、天然烤、喜馬拉雅山岩鹽及蜂蜜姜五種口味，有無邊一隻想試呢？

總結

總括而言，良好飲食習慣同學業質素和成績有正面關係，多進食營養豐富嘅健康零食，唔單止能夠提升溫習效率，仲可以Keep fit！ 不過，儘管健康零食對身體有益，都要記得適可而止，控制每日所攝取能量。咁樣就食得安心，溫得開心啦！祝大家學業進步！