上年於長沙灣開業的「越湯」以性價比高的出品吸引不少食客，當時更推出過$168串燒小食放題。小店憑著口碑逆市擴充，插旗尖沙咀樓上舖，找來泰籍主廚掌勺炮製多款特色料理，不過仍然保持親民定價， 最平$38就可以拎走外賣，CP值媲美雙餸飯，鬧市的上班族又多個選擇。
廣告（請繼續閱讀本文）
新店找來泰國主廚坐鎮，帶來多款新料理，包括特式前菜小食，例如炸蟹棗、哈花蝦多士、燒午仔魚沙律，以及辣炒A5和牛碎配脆脆球。主廚亦每日新鮮熬煮泰北冬蔭功海鮮湯，惹味又足料，絕對適合嗜辣朋友的口味。
廣告（請繼續閱讀本文）
廣告（請繼續閱讀本文）
越泰路邊串燒繼續親民價，$28就有兩串，款式包括秘製免治豬肉串、烤雞腎串，而喜歡吃內臟的朋友，就可一試烤雞肝串。主食方面有多款湯粉，據說當中的原片肉眼湯粉（$88）相當受歡迎，選用來自日本岩手縣黑樺牛農場的A5和牛，再配上和牛湯底。因為天氣熱的關係，CONY就點了越式牛肉撈檬（$38），啖啖肉之餘配襯各式各樣的蔬菜絲，更加健康。
新店開業期間，12月31日前堂食夠$200，可以免費獲「辣炒A5和牛碎配脆脆球」一客，另外滿$150就會有刮刮卡一張，有機會獲得免費小食、特調飲品、全單9折等優惠。店內亦設打卡位，滿足埋大家想影相的心。
越湯（尖沙咀店）
地址：尖沙咀堪富利士道6-6A號爵寓1樓
時間：中午12時至晚上10時
電話：2328 9382/9374 6875
