德國🇩🇪作客對波斯尼亞🇧🇦歐國聯比賽，德國憑住史特加安達夫梅開二度，成場比賽有三次因為越位被吹入球無效，最後以2:1比數小勝對手。今場比賽有三位球員上演國家隊地標戰，分別有著住1號波衫效力史特加龍門紐布、著住9號波衫效力慕遜加柏前鋒基連甸斯特同埋著住10號波衫效力緬恩斯前鋒布卡特🙂
廣告（請繼續閱讀本文）
今場梅開二度嘅安達夫接受訪問就話「入波一定會令人開心，但為國家隊入到兩球仲要贏埋場比賽就更加好，我哋好開心可以贏波🤓。」值得一提，今場比賽只係安達夫第二次為德國正選上陣，而呢位德國🇩🇪前鋒入波數字（3個入波）已經多過正選次數😂
不過德國國家隊教練拿高士文對今場比賽唔算特別滿意，拿高斯文就話「我哋開局唔好，當我哋調整之後，情況就好返啲。睇返我哋成場比賽有唔少優勢，我覺得我哋應該有更多入波🙃。」