ViuTV選美真人騷《美麗40路》，將於下星期一（2日）首播。早前官方網頁公布40位入圍佳麗，位位年屆35至50歲的輕熟女，當中包括單身、已婚，甚至已成人母嘅女性；雖然尚未開播，但連日來掀起討論熱度，當中以「Sica媽」洪淑燕討論度最高。日前有17位「40路」佳麗現真身，其中有「翻版林明禎」的馬麗如、「癌病康復者」的陳懿汶、3孩媽媽的高以嘉等，位位都具話題性，更有網民推舉TVB搞「40路」3大人選，當中有1位視后！
40位入圍佳麗之中，日前只有17位佳麗現真身，原來位位質素甚高。當中以「翻版林明禎」的馬麗如、「癌病康復者」的陳懿汶、3孩媽媽的高以嘉等，無論樣貌、身型、背景都相當出眾，大家的心水會是誰？
《美麗40路》人氣佳麗1：洪淑燕 Sica媽
洪淑燕是ViuTV藝人何洛瑤Sica的媽媽，其幽默感絕對不輸給女兒！她在個人簡介中，透露自己6歲煲金魚粥，7歲時曾用鷹粟粉扮白粉嚇媽媽，8歲時將白兔便便當成陳皮糖請人食，到了34歲教Sica做數學功課時因太過勞氣，因過度激動到拍枱而拍斷手指等，盡顯搞笑性格！原來「Sica媽」洪淑燕並非首次出鏡，早於2年前Sica有份主持的綜藝節目《MM730 - 男女自然觀察學會》已亮相，當時透過視像與Sica通話，被女兒大爆是忠實「姜糖」，最鍾意睇姜濤食嘢，最終爆出Sica喜歡Marco作還擊，兩母女大放笑彈！
《美麗40路》人氣佳麗2：陳懿汶抗癌勇士
當天宣布這位成功抗癌勇士出場，隨即獲得如雷掌聲鼓勵。陳懿汶自揭由當時不能走路，到今日健康地站在台上，實在不容易！「參賽係想傳遞自己想講嘅訊息已經足夠，我17歲患血癌，當時冇諗咁多，總之醫生要我留醫，我就努力接受治療。父母好擔心，因為如果醫唔好，我可能會離開，所以佢哋嘅傷心，我明白。」現時既是人母又是1名芭蕾舞導師，分享參賽原因：「見到好多負面新聞，好多年輕人輕生，所以想透過比賽，行出嚟話畀人聽，即使我以前行唔到路，我都可以慢慢學返行，叫大家唔好輕易放棄。」
《美麗40路》人氣佳麗3：馬麗如翻版林明禎
被網民封為「翻版林明禎」的馬麗如，於2013年嫁到台灣，以夫妻檔開設火鍋店，她表示︰「今次係鼓起勇氣參加，當然希望有得著。今次返嚟，想同香港多啲連繫，想留返啲腳毛喺度，哈哈，我係金句王嚟㗎，到時睇節目就知。」對於被網民熱捧兼起朵，馬麗如回應︰「多謝大家對我欣賞 可以同女神拼埋一齊係好開心。」
《美麗40路》人氣佳麗4：高以嘉3孩媽媽兼家庭主婦
已為3孩媽媽的高以嘉，是1位家庭主婦，家裏一直沒聘請外傭，全天候照顧子女及家務。雖然自嘲「好耐冇見世面」的她，無論外貌和身材都很出眾，而且生3個後依家保養極得宜，絕對沒有「C9」陣除！高以嘉表示：「好耐冇見世面，企出嚟面對咁多人，我已經好成功，所以冇諗咁多(三甲)。老公好支持我參加，我有3個小朋友，最細嗰個知道我參賽，反應最可愛，佢話好開心可以喺電視見到媽咪，其餘兩個小朋友就問我搞乜鬼。」
以嘉笑起來有點像陳妍希，極具氣質。
連登網民TVB「40路」3大人選！
有網民推舉TVB搞「40路」3大人選，有人首推是近年人氣旺盛的43歲陳自瑤（Yoyo）、43歲單身一族姚子羚（Elaine），以及視后李佳芯（Ali）。當中以Ali呼聲最高，更被獲封為「香港第一美人」，唯一的是被指身材太瘦、沒有睇頭，不及Yoyo和Elaine。此外，亦有網民留言：「本身諗加埋煒哥，但原來已經50」，似乎對於未能「參選」感失望。