周國賢離婚丨22歲日本留學對老婆一見鍾情 曾跟女助手傳緋聞太太避走加拿大

42歲周國賢(周仔)昨晚喺個唱後台宣佈，同韓籍太太李美英結束18年半婚姻，令人婉惜。周仔係圈中罕有的早婚男士，在日本留學之時遇上太太一見鍾情，22歲就決定結婚，太太同年誕下大女兒，先後育有3名兒女，家庭幸福美滿。由於太太不熟悉香港嘅生活環境，加上周仔係藝人怕為太太帶來無形嘅壓力，所以一直好好保護她，早年曾一度諗過放棄歌唱事業，轉為打理家族海味生意，但太太唔想他失落，只能背後默默支持他繼續做幕前追夢，同時周國賢太太努力學習廣東話融入男方生活。

直至2013年，曾有傳聞指他搭上公司助手，太太隨即帶同女兒避走加拿大，拒絕與對方生活，有指周國賢因而患上抑鬱症，後來追至加拿大挽回婚姻，對外否認婚變。2019年情人節被拍攝到在尖沙咀海旁自彈自唱，向太太表達愛意，周國賢太太與女兒在周仔低落期間時相伴在側，陪伴他走出情緒病。不過，周仔接受電台節目訪問時曾坦言過早結婚，與大女兒的緣份太早來到，不過卻任性地按照「劇本」而行。