劉嘉玲帶老公為媽媽細佬慶生 76歲劉媽媽優雅高貴超養眼

55歲劉嘉玲向來都有「凍齡美人」之稱，即使已經做了人妻但仍然keep得勁好，她亦不時在社交平台甫相曬吓自己靚樣。近日劉嘉玲就罕有地曬全家幅，公開自己帶住老公梁朝偉為媽媽及細佬慶生，劉嘉玲仲好窩心地留言：「Birthday celebration for my mom and bro! #brithday #celebration」

相中見到劉嘉玲的家人同梁朝偉關係極好，齊齊搭住膊頭影相，最亮眼的是劉嘉玲媽媽，雖然劉媽媽今年已經76歲，但無論係外貌同衣著都充滿氣質，而且皮膚保養得勁好，加上一頭微曲短髮，優雅又高貴，同劉嘉玲直頭一個「餅印」。其實劉嘉玲之前都有公開過同媽媽的合照，對比最新一張劉媽媽愈keep愈靚，更似乎愈來愈後生，果然是「有其母必有其女」，兩母女都凍齡有術，網民都讚「劉媽媽好靚」、「劉媽媽越keep越好」等。