鄭秀文早前為新曲〈愛是…2.0〉找來YouTube頻道「好青年荼毒室」合作創作，希望以哲學探討愛的真諦。不過近日好青年荼毒室成員、39歲的鹽叔，就在通訊群組承認已婚的自己外遇食女粉，而且更欺騙對方指自己未婚，道歉並宣佈即時停止於荼毒室的活動。
2016年成立的「好青年荼毒室」，現有接近15萬訂閱，成員都是讀哲學系出身，更曾主持香港電台節目《哲學有偈傾》。而成員包括鹽叔、豬文及白水近日為鄭秀文新曲〈愛是…2.0〉填上新的Rap詞，延續2000年和LMF合作的經典〈愛是…〉。
至於鹽叔則畢業於中文大學哲學系，再在德國柏林洪堡大學、英國倫敦國王學院攻讀博士，近日亦在另一YouTube頻道試當真《今際之國的闖關者》演出。雖然他宣佈即時停止「好青年荼毒室」工作，但早兩日的新片仍看到鹽叔的演出。
鹽叔早前在和好青年荼毒室支持者「室友」的通訊群組中自爆：「我之前隱瞞結咗婚嘅事實，同咗一個喺活動中識嘅女仔一齊，甚至當個女仔有懷疑時，仲繼續欺騙佢，對佢做成好大嘅傷害，傷害得佢好深……我自私、我軟弱、我利用咗佢對人嘅信任。我好內疚，但我知再內疚都冇用，因為對佢嘅傷害已造成。」而且會「即時停止喺荼毒室嘅活動」。
另外網上亦流傳疑似鹽叔被揭已婚後和女粉絲的對話圖：「我嘅身體反應已經Show我真係幾真誠。呢個包括咗我對你嘅感受係幾咁真，同我嘅內疚係幾咁真……我亦已決定咗唔會再同任何女室友有私下嘅聯絡，我可以承諾例如定期俾電話佢哋Check，確保冇呢啲問題發生。」
至於好青年荼毒室則發聲明：「我們力勸鹽叔坦誠認錯及承擔責任，而鹽叔日前於會員 Discord 交代事件並道歉，並立即停止於荼毒室的所有活動。我們明白他道歉和停止活動並不能解決任何事情，但仍希望可以盡量有一個交代。鹽叔利用了其公眾人物的身分和室友的信任，欺騙了受害室友的感情。作為多年來合作的伙伴和朋友，我們不能接受。我們亦知道眾多室友早已把荼毒室當成朋友，相信與我們同樣地難受和痛心。」
