「沙律」張沛樂泰國大解放！泳裝上陣唔禁食「返嚟先再減」

張沛樂（沙律）在明天（8月18日）播出的香港開電視旅遊節目《重新出發》「泰國篇」中，帶觀眾遊泰國曼谷及芭提雅。節目未出街，焦點已落在沙律的泳裝環節上，據沙律透露，今次旅程主要是吃、喝、玩、樂，而她對首次玩衝浪感難忘。不過叫她印象最深，莫過於在旅途中差點被超巨型芭蕉葉扑中。

沙律非常享受今次旅程，皆因由朝食到晚，為觀眾介紹泰國的好玩熱點，寓工作於娛樂。她笑言在旅程中胖了不少，但沒有因為要穿泳裝上陣而禁食：「梗係有肥啦，成個節目觀眾都會睇住我食嘢，每日工作都好頻密，所以唔使諗太多、唔使顧及身型，返嚟先再減，冇得擔心太多。」

沙律最難忘首次玩人造衝浪活動，她興奮地表示：「第一次玩，有教練在旁用心教導，我最尾成功上到水，不過呢個活動用晒全身肌肉，所以玩完之後全身肌肉都好痛，痛到轉身都轉唔到，條頸扯住。」

拍攝人造衝浪當天，沙律形容自己跟「死神」擦身而過，她記得當時坐在芭蕉樹下稍作休息，突然一塊巨型芭蕉葉從天而降，她指：「我當時都未識驚，仲去拎起塊葉，原來非常重，如果當時跌落嚟扑中我，我一定有事，好似同死神擦身而過咁。」