🤔成日都聽到有朋友介紹尼間良心燒肉，今次就終於去試吓。呢間燒肉超級近地鐵站，非常之方便👍🏻。入到去餐廳環境都好大，周圍都貼咗一啲動漫嘅海報，餐廳嘅裝修亦都好有日本嘅氣氛。呢度嘅店員服務態度都非常之好，會間唔中過嚟問吓你覺得啲食物點樣，有冇啲要有冇嘢要幫手
我哋今次揀咗$298嘅燒肉放題，另外再加多$38食埋澳洲和牛。可以食足兩個鐘。另外呢度嘅爐火力都好夠，燒肉嘅速度都好快，所以大家可以唔使心急慢慢燒都得😂
🤔不過就算唔加$30食黃牛，我覺得佢哋嘅食物種類，又或者食物嘅質素其實都已經好好。例如牛側腹橫肌，牛肩胛肉，牛三角肉同埋牛小排都好好食。特別係牛三角肉，望落好似好厚肉，冇乜脂肪，但係燒完之後，擺落口唔知點解爆曬汁😂，真係好正，牛味仲要好濃郁☺️
🤣咁當然升級$30嘅肉類質素會更加好，可以見到牛肉嘅雪花遍佈都係非常之均勻😚和牛食落口未去到入口即溶，但係都非常之爆汁。肉質好軟嫩。大家仲可以用生菜包住嚟食咁就冇咁油膩😛
除咗牛肉，豬肉，雞肉之外，仲有海鮮嘅選擇😂，而家只要share佢哋Instagram嘅post，就可以獲贈每人兩隻生蠔。燒生蠔真係冇得頂，非常之新鮮同埋好creamy。仲有魷魚同埋蝦做選擇，另外都好推介試吓佢嘅清酒煮蜆，淡淡酒味清香，唔會太濃郁，蜆肉都食得出佢嘅鮮味👍🏻
喺小食方面，有各款嘅炸物，其中我最鍾意係炸芝士年糕，芝士味嘅鹹香配上煙韌嘅年糕仲可以做到拉絲嘅效果，即刻encore左幾次🤣🤣。另外大家一定要嗌佢哋嘅玉子燒嚟擺上網燒，燒到表面金黃色，咁食都真係幾正😛
最尾甜品就有一啲朱古力Brownie，泡芙更加有棉花糖可以比大家燒，不過大家都要小心啲睇火🤣，棉花糖係真係特別易燒燶，燒到佢表面有少少黃黃地咁就可以食啦，入口即溶真係好鬼正。最後仲可以有一人一杯雪糕添😛
✅整體來講都幾推介呢間良心燒肉放題，環境有氣氛得來食物質素又幾好服務態度又好，大家都可以黎試吓㗎
📍 熊本燒肉 (銅鑼灣)
銅鑼灣謝斐道477-481號3樓
▼ Follow we2log