因醫療事故慘成植物人的女童「小天瑜」周天瑜，日前傳出拔喉離世的消息。天瑜爸爸昨日 (11日) 首度開腔回應，他指出天瑜於3月10日下午3時40分離世，並澄清家人沒有為天瑜決定拔喉，而女兒是因身體多種器官衰竭離世。
天瑜爸爸昨日接受《東張西望》訪問時指，家人早有共識，若天瑜情況惡化至彌留，「如果佢已經唔得，仲夾硬要用強心藥逼佢（心）跳，佢會好辛苦。」但他澄清指，你家人並未決定為天瑜拔喉。天瑜爸爸：「其實都唔係我哋決定拔喉、了結佢，我都聽到坊間啲講法話父母決定拔喉、送走佢，但我想講返情況唔係咁。」他續指，天瑜是自然地慢慢衰竭，慢慢心跳及呼吸停頓，然後離世。
廣告（請繼續閱讀本文）
憶述女兒離世一刻，天瑜爸爸哽咽指天瑜當時用力睜大雙眼望向媽媽，「當時我同太太一人企一邊，佢望一望媽媽又望望我，之後見到佢心跳變零，同埋臉色開始變白。」天瑜爸爸又稱，「雖然都預咗有呢日，甚至心裏面覺得可能對佢嚟講係解脫，等佢唔使咁辛苦。但睇住自己小朋友慢慢一步步咁離開，感覺係……唔知點形容。」
製圖／文字：Health Concept