盧巧音（Candy）和老公兼樂隊KOLOR主音蘇浩才（Sammy），於2013年結婚，眨眼已婚12年，今天（21日）Candy在社交平台貼相慶祝「鏈婚」，並寫道：「同呢個人一齊，之前一段關係結束之後，簡直係身心俱疲，成個人好似爛咗咁，有諗過離開香港出去行吓，有諗過重新振作離開呢個圈子，亦都有諗過修行嘅計劃，但係偏偏喺呢個時候，就出現咗呢一個人。」
Candy又謂和Sammy雖然都是夾Band兼都是Indie，但她竟然從頭到尾完全沒留意到Sammy，回想起也覺得搞笑：「咁就結咗婚12年，時間真係過得好快好快，我發現做一個太太其實一啲都唔簡單，好多嘢都需要學習，亦有好多嘢需要重新認知，好多謝呢一個人嘅忍耐，雖然我有時都好難頂，不過佢都唔弱，大家知己知彼啦，愛你七萬年。」
廣告（請繼續閱讀本文）
Candy衷心感謝老公：「無諗過呢一個人可以俾咁多力量我，亦都無諗過會撞到呢一個人，I LOVE YOU蘇浩才﹗」而Sammy也在愛妻Ig留言：「I love you盧巧音。」
（即時娛樂）
![](data:image/svg+xml;charset=utf-8,<svg height="64px" width="112px" xmlns="http://www.w3.org/2000/svg" version="1.1"/>)