真愛！張栢芝照出中環開舖　喜獲鐵粉幫襯

藝人張栢芝喺中環開時裝店搞個人品牌，身為老闆嘅佢依家放晒全副心機落去，之前就多次被拍得親身到中環開舖，仲做埋Sales姐姐Sell客，都真係唔話得！今日交通大混亂，栢芝都堅持要揸車出動開舖，估唔到都有得着喎。

當大家都仲頭痕點返工之際，今朝一早栢芝都已經起身落中環，見佢社交網貼文話出發，隔咗個幾鐘佢先話返到舖頭，而原來舖頭門口一早就有位忠心耿耿嘅男鐵粉等咗好耐，一見到偶像都即時彈出嚟，又晒佢啲珍藏又剩咁，栢芝仲喺社送網放片Show二人對話，見佢哋以普通話交流，似乎唔係香港粉絲，栢芝亦好識做咁讚個男粉絲可愛，去到尾對方仲課金買咗個背囊先走人，睇嚟都係真愛先堅持到追星嘅決心呀！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/