認真答，有無試過book咗餐廳又無去，個reception打俾你又唔聽？以為香港西人特別多？其實世界每個角落都有乞客，話說蘇格蘭有間餐廳，一個月就有合共450次的No Show同取消預約，係咪得罪人呀？
廣告（請繼續閱讀本文）
廚師開設的同名餐廳Mark Greenaway，假假地都係個米芝蓮推介食肆，不過真心唔知店主行咩衰運，試過一晚幾張枱合共22人，一齊No Show，間餐廳最多都係可以坐42人…足足半個場，而單係上年十二月，就 399個booking取消預約，同埋51次No Show的誇張記錄。
呢位餐廳東主就明白，係時候改變了，在此之後，所有預約必先落訂，午餐先付£30，4個course晚餐則付£50。
廣告（請繼續閱讀本文）
東主就忍唔住咁話：「其實No show或者即日取消預約這種不良風氣，一直都存在。預約先俾deposit呢個方法，係佢唯一能夠做到嘅方法，希望這能改變人們的壞習慣，一次過book定幾間餐廳，到夜晚先決定食咩。好似你買咗波飛、戲飛、演唱會飛，都唔會輕易甩底啦，嘗試下食飯都避免呢個壞習慣。」
廣告（請繼續閱讀本文）
我相信香港有唔少小店都有呢個問題，尤其是需要預先準備食材的料理店，希望各位高抬貴手，做返個有質素的香港人。