哈利波特於全球吸引大批影迷，最近傳出令人振奮嘅好消息！亞洲嘅影迷唔需要再大老遠飛到英國朝聖，根據日本報道，美國華納兄弟公司同西武鐵道正在接洽，有意喺東京打造全球第二座哈利波特片場，仲預計會喺2023年開幕！ ！ ！
哈利波特影城係複製倫敦嘅「哈利波特片場」實景拍攝場景，並唔係好似USB入面嘅哈利波特園區係一個遊樂場，而係真真正正還原當時拍攝嘅地點。
廣告（請繼續閱讀本文）
據說西武鐵道經營了94年嘅東京老牌兒童樂園「豐島園」將於年底閉園，已知東京政府有意收購大部分土地興建防災公園，而其餘土地將有機會賣畀美國華納兄弟公司興建哈利波特影城。消息指預計今年春天雙方會達成共識。
廣告（請繼續閱讀本文）
哈利波特影城內包括有粉絲必去嘅嘅斜角巷、活米村同霍格華茲等等，無論係場景、道具、拍攝技術，都一定可以加倍咁滿足影迷嘅探索慾。
廣告（請繼續閱讀本文）
所以哈利波特迷以後就可以一次過去晒東京同大阪，既可以去哈利波特影城一遊經典鉅製嘅拍攝場景，體驗魔幻嘅誕生；又可以去大阪環球影城嘅哈利波特園區，以另一個角度去體驗片中主角嘅刺激故事。唔知會唔會有鐵道公司睇中呢個商機，開埋哈利波特列車穿梭兩地咁就好啦！