Dyson近來積極開發並進化自家產品，今次佢哋又喺無線吸塵機有新突破喇！香港剛推出Dyson Digtal Slim無線吸塵機，不但成為品牌中最輕最細部嘅無線吸塵機，而且吸力更同之前旗艦機相差無幾。到底Dyson Digtal Slim有咩過人之處連舊用家都即刻想換機？價錢又係點？即刻睇睇！
撰文：海月丨圖片：Dyson、海月
Dyson全新最輕量無線吸塵機！Dyson Digital Slim真正小而強大 吸力拍得住v11 只重1.5kg！價錢超吸引！
Dyson今日推出全新Dyson Digital Slim輕量無線吸塵機，今次突點真係可以用「小而強大」形容。雖然機仔細細，更比之前旗艦級V11體積減少20%，重量減輕30%，不過吸力依然強勁不減。Dyson Digital Slim機身搭上吸塵桿及主吸頭後加起來只有1.9kg，如果去除吸塵桿換上床褥吸頭後，手持模式下更僅重1.5kg，亦是Dyson目前最輕的無線吸塵機。
相比Dyson旗艦機V11，「全副武裝」後重約3kg，全新Dyson Digital Slim不單只機身輕巧更方便使用，而且設計更為乎合人體力學，重心及握持感上更舒適，有利於在香港蝸居中收納及在狹小環境中使用。
雖然機身體積、重量大減，理論上連吸力亦應隨之減少。不過Dyson為求做出更乎合用家「理想中嘅吸塵機」，投入極大心力時間將機身內部重新設計，令細少機身仍能使氣流可以更順暢從地面到達吸頭頸部，配上特別設計的Dyson Hyperdymium摩打轉速依然能達到每分鐘120,000 萬轉（比 V11 少了 5,000 轉），令Dyson Digital Slim吸力媲美V11。
Dyson Digital Slim配備的軟絨毛滾筒吸頭的重量比之前減輕了40%，配合底部凹槽設計，能更有效覆蓋邊緣位置，進一步提升縫隙清潔力。儘管吸頭體積減小，不過Dyson Digital Slim嘅除塵表現依然媲美V11，就連大顆碎屑定細小微塵都能一併吸除。
而機身重新設計的11個渦旋式氣旋能夠產生100,000g強大離心力，有效從氣流中分離塵垢以及鎖住微粒。其過濾系統更能夠捕捉99.97%小至0.3微米的微塵，同時排出潔凈空氣，而且整個系統完全密封，有效防止灰塵回到空氣中。
今次Dyson Digital Slim採用了2,500mAh五芯鎳鈷鋁電池，同樣係「小而強大」更號稱係Dyson旗下「電量密度最高但重量最輕」電池。如使用ECO Mode，在節能模式下，大約能使用40分鐘時間，足夠日常家居清潔使用。另外今次Dyson Digital Slim亦能另能「一鍵換電」，而電池亦可以獨立叉電，想輪換使用亦可！
配件方面，除常規附送嘅電動床褥吸頭、縫隙軟毛寬嘴吸頭、延長軟管、高處轉換頭等，今次Dyson Digital Slim亦附送今年新出嘅窄縫LED照明吸頭，以及全新推出嘅「底部轉換頭」，令用家唔使大幅彎腰就可以輕鬆吸到床底、梳化底等唔容易清掃嘅地方。另外Dyson Digital Slim嘅塵筒、濾網等都可以拆下來水清洗，非常方便。
Dyson Digital Slim喺香港將會推出3個不同版本，除顏色不一，所附送的吸頭亦有相當大差別，用家可隨自己心水選購，現已於各大電器零售商、Dyson官網http://shop.dyson.hk/ 以及位於ELEMENTS圓方的Dyson體驗店有售，售價為港幣$4,180元~港幣$4,880元。