唔知馮奕森係邊個，唔緊要！「傻強」你知啦掛？
佢藝名叫馮奕森（Sarkis Fung)，現實中嘅佢其實幾靚仔，唔係傻強咁毒～有網民就話佢個樣好似郭富城，你又覺得係咪呢？
喺星期二嗰集嘅《愛回家》，傻強終於做主角！雖然平時佢出場次數、對白都唔少，但係成日都係陪襯角色，今次「偷偷喜歡你」終於以佢為中心啦！
呢集係承接番「Ocamp篇」，熊尚善錫咗傻強個嘴一啖，搞到傻強本身都好傻，依家傻多兩錢重，鍾意埋安仔嘅媽咪熊尚善。
「偷偷喜歡你」個故事係講傻強暗戀熊尚善。熊尚善喺劇入面想請一個編劇。傻強為咗親近熊尚善，不惜一切～之後成功入到熊尚善嘅編劇Team。佢不斷搵機會接近熊尚善，對白精警，劇情最尾真係戥傻強陰功～
偶然機會下，佢發現熊尚善對「安仔」無乎，基本上「安仔」要咩，熊尚善都比！所以，佢就想賄賂「安仔」，希望入到熊尚善嘅編劇Team。
之後佢諗過用新出嘅Game賄賂安仔，但比「啊壯」截糊。最後就決定「獻身」，幫安仔出頭！
咁浮誇嘅表情，可以幫佢整個表情包添啊！
中間仲惹嚟朝偉呷醋添～
佢咁渴望嘅愛，竟然比人覺得佢猥瑣～
仲因為為咗可以同熊尚善一齊出trip去日本，佢專登煲咗成個禮拜嘅日本劇「AV」，諗住揮低Bonnie 。點知～熊尚善透過安仔，以為佢好想搭飛機，所以就讓咗個位比佢同曹總去～佢本身幻想緊可以同熊尚善一齊浸溫泉，依家……冇lu~
《愛回家》入面嘅佢性格呆滯又傻傻哋，成日戴住黑框眼睛。狂眨眼，成為咗招牌動作！表情動作浮誇，好鬼搞笑。冇咗佢，成套劇一定冇咁搞笑同好睇～
佢之前喺《Sunday 扮野王》扮過郭富城，佢之前接受其他傳媒訪問嘅時候話：「其實係某次喺化妝間附近，突然比監製話我似郭富城，仲叫我上節目扮他。」仲比愛回家其餘3子 -「安仔」、「朱凌凌」同「啊壯」大爆四個入面，佢最鍾意扮靚！除咗愛回家，佢仲做過「收規華」，入面飾演警察。
劇中嘅佢同現實原來咁大對比，真係估佢唔到啊～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）