【口罩小姐選舉】ERROR保錡出雪櫃　肥仔懶理TVB：觀眾層不同

ViuTV今晚舉行《最後一屆口罩小姐選舉總決賽》，ERROR成員梁業（肥仔）​、郭嘉駿（193）、何啟華（Dee）、吳保錡擔大旗做隊長，保錡早前被揭疑背模特兒女友暗交女星張沛樂（沙律），令形象插水宣佈暫別幕前工作，今晚是他暫別後首度現身幕前活動，令ERROR齊人出席總決賽，帶領八強佳麗出場。
ERROR於節目直播前接受訪問，保錡全程默不作聲，193笑指保錡剛在雪櫃出來未解凍，上台後會解凍說話，肥仔笑言《Frozen》要搵保錡拍攝。問保錡是否今次最後現身幕前？他們說不是，因5月頭ERROR有節目出街播足一個月，不怕網友繼續狙擊。問到今次與TVB對打，肥仔說：「冇話打唔打，觀眾層不同。」193說：「冇乜機會打贏，佢哋40幾歲老嘢睇，得幾百部電視機收視我哋冇理好耐，自己做好節目自然多人睇。」對於曾志偉指ViuTv走偏路線，以J2台作比較，193聞言即說：「咩叫J2？40幾歲仲做後生仔嗰個？」肥仔扮志偉腔調說：「打和，Super！」他稱由觀眾自由選擇，最緊要是觀眾返屋企追看電視是他們的初衷，193覺得多人睇電視才百花齊放。