香港警察，奉公守法？
自從2019年6月起因為「反送中」逃犯修訂條例而引發嘅社會運動，由最初嘅撤回逃犯修訂條例，到之後警民衝突，無數流血事件出現，令示威者𨍭而高叫「五大訴求」。其中呼聲最高嘅，係成立「獨立調查委員會」，即係好多香港人都希望，針對示威者嘅執法問題 ，要有一個公平、公正、公開嘅審查。《明報》喺9月16號公布調查，近五成受訪者對香港警察完全不信任。今日DailyView就同大家講，到底香港人對警察嘅十大質疑係咩喇！
DV小教室：網路溫度計透過《KEYPO大數據關鍵引擎》大調查觀測咗近萬個網站頻道（而且不斷增加ing），包括港澳地區的新聞頻道、FB、IG同埋各大討論區、Blog……透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10 警察行為表現EQ低？（25555筆）
——唔好搞我後面
香港警察，一向都話自己係專業人士，遇到唔同嘅事都有高度嘅自我克制能力。不過到咗近呢三個月，喺香港嘅社會運動入面，有唔少網上流傳嘅片段，都令網民覺得警察失去控制。例如早喺6月，就出現咗一位阿Sir疑似頂唔住楊岳橋議員嘅質問，高叫「唔好搞我後面」，但後面只係得佢嘅同事。又有阿Sir挑釁示威者，叫人哋同佢隻揪，令好多人都話佢哋失哂控。
image source:
9 警察同黑社會合作？（35010筆）
——元朗、北角
喺香港7月21號，大家都熟知嘅「元朗黑夜」之前，絕大多數嘅香港人都唔會相信，代表社會公義、良知嘅香港警察，竟然會有機會同本地嘅黑社會勾結。可惜嘅係，不論721當日香港警察唔理示威者安危，放任黑社會打人，已經喺香港電台《鏗鏘集》同美國《紐約時報》有好充足嘅講解。最近9月15號，香港北角都有黑社會出沒打人，《立場新聞》有詳盡報道。
image source:
8 警察私刑對付香港人？（38251筆）
——毆打老人
香港警察對付示威者嘅手法，一直都係佢哋聲稱嘅「最低限度武力」，但呢種講法就成日俾香港網民質疑，因為好多示威者頭破血流嘅相片、影片，似乎都唔係警方「最低限度武力」喎。根據《立場新聞》，公民黨郭家麒就形容警方係「絕對私刑」。而民主黨喺8月20號公開有老人係醫院被警員「濫用私刑」，連老人家都打埋一份，唔怪得咁多網民唔信警察嘅。
image source:
7 警察記者會講大話？（38816筆）
——831大搜捕
隨住香港社運抗爭時間愈拉愈長，去到而家已經超過一百日，都未見呢場社運嘅終點喺邊。正因為咁，要爭取話語權解釋事件就相當重要喇！香港警方成日都召開記者會，固定咁講解自己行動原因，而記者都不時提出尖銳嘅問題，其中有關8月31號大遊行前警方連環拘捕多位政治人物，其中警方解話就俾律政司法庭檢控主任質疑，話佢哋公然講大話，警方唔可信。
image source:
6 警方濫捕香港示威者？（40283筆）
——超過一千多人
根據《自由時報》報道，香港因應「反送中」引起嘅社會運動，到9月17號，已經有成一千五百多名嘅示威者俾警方拘捕。期間，有唔少市民都俾警方用「莫須有」嘅罪名拘留，當中要數最出名又最莫名其妙嘅，當然係浸大學生會會長方仲賢喺8月16號買鐳射筆觀星，但就俾警方用涉嫌管有攻擊性武器罪名拘捕，即時引起大量港人買入鐳射筆，變成遊行社運工具。
image source:
5 警方濫用暴力？（42076筆）
——最低限度武力？
香港警察由6月嘅社會運動武力驅散同鎮壓開始，每次召開記者會，都一再強調香港警察係專業嘅，所有武力都只係最低限度嘅武力。但係，早喺6月21號，國際特赦組織（Amnesty International）已經話咗香港警方喺6月12號使用過度武力，違反了國際人權法（international human rights law and standards）。更加唔好講 ，之後巾更多更高武力嘅事件喇！
image source:
4 警察沒有委任證？（60117筆）
——市民無得投訴
香港一直有個朵，叫做投訴之都；香港人一直有個花名，叫做投訴王。事關香港人真係好鍾意咩事都要投訴一番。咁其投訴都係香港人嘅權利，好可惜嘅係，係近呢三個月嘅香港社運之中，好多警察執法都無show出委任證，唔單止唔合法，更令香港人無得享受投訴嘅權力，令到香港人認真唔開心。認唔到警察，咁大件事，連王喜都拍咗條片諷刺警方。
image source:
3 警方濫用權力？（77620筆）
——香港仲安唔安全？
根據中央廣播電台報道，公民黨立法會議員陳淑莊，喺9月16號，出現咗喺日內瓦召開嘅聯合國人權理事會(Human Rights Council)發表演講。佢指控香港警方濫用公權力對付示威者，令到香港市民以至記者都失去人身安全，連言論自由都無埋。又好似之前網傳法國記者高叫香港警方故意向記者發射催淚彈咁，香港人質疑嘅理由，有圖有片，真係唔小事喎。
image source:
2 香港警察入面有公安？（88487筆）
——中國全力支援
《852郵報》創辦人暨總編輯，香港前《信報》副總編輯游清源受訪話，香港警隊入面有公安滲透，已經唔係第一日嘅事喇！佢仲話，自2014年雨傘運動之後，香港警方一直有北上受訓，而大陸公安都會攞單程證落香港，之後仲會光明正大咁做埋警察。而近日「反送中」社運入面，網上就流傳咗多條影片，好似係操大陸普通話嘅人執法，似乎有唔少網民相信。
image source:
1 港警扮示威者有冇犯法？（93170筆）
——彈出又彈入吹咩
喺8月11號同8月31號，根據《關鍵評論網》報道，有警察係示威者當中扮做佢哋嘅一分子，然後再視機會加以拘捕示威者。呢種行為，令香港人相當驚訝，好多人都怕喺示威期間俾「鬼」陷害。更加有網民話，可能警察會刻意令現場情況惡化，搞到出現更多嘅流血衝突事件。到底警察咁做有冇犯法？警方就話佢哋無做任何犯法嘢，唔知你又點樣睇呢？
image source:
分析說明：
本研究資料由《KEYPO大數據關鍵引擎》提供，分析時間範圍為2019年06月08日至2019年09月16日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『香港網民對香港警察十大質疑』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
kimman 警察扮示威者就真係所謂嘅臥底 深入淺惡組織守集證據 全世界都係咁樣做㗎啦 唔通啲警察混入黑社會做臥底有又啲黑社會講我係臥底你可以斬我呀🤣🤣🤣 人正不怕影子斜 你怕咩臥底呀 係唔係有啲不可告人嘅秘密 香港三個月參與暴動人數超過50萬人次 而香港警察而家只拉得一千人佢哋都幾廢柴 1%都無 拉得咁少人點樣保護我哋香港市民 警察eq高唔高呢個係個人情緒問題 日日問候人哋老母 咀咒人哋全家啲暴徒ep高唔高 唔通就因為某部暴徒扮街坊小人老母我就講曬全部出嚟支持示威者都咁無文化？ 警察有冇濫用暴力濫用私刑可以留返畀人哋慢慢查我都唔多講 但係嗰班報圖有冇濫用私刑濫用暴力相信大家喺網上都睇得一清二楚無論係搶犯 向警察定窯燒彈 攞棍打警察啲頭 搵傘係咁隊 撐人落電梯 以上暴力行為已經喺網上睇得一清二楚 警察831講大話有證有據你哋就去告啦唔好喺度講廢話 個單眼女呢叫佢出嚟解釋下先啦 死咗嗰四個人呢你叫佢家屬出嚟啦 發揮你哋網上起底嘅能力我唔信搵唔到佢出嚟 警察入面有公安請參考駐軍法 睇清楚條法例講咩大家再去研究 警察委任證通常都係你畀人拉嘅時候人哋就出示證件畀你睇啦 唔好再白癡不停叫委任證啦
2019年09月18日03:24
Man 睇完得啖笑
支持警察繼續打爆頭
2019年09月18日02:59
kimman 其實一直我都好想問參與暴動有冇黑社會參與點解上次我見到有個剝曬啲黑色衫口罩全身紋身嘅 邊間學校㗎 中了人出嚟隻劈 今日我搭地鐵7部過閘機 6部畀人打爛 而家我搭地鐵見到啲被破壞嘅情況 都令到我心裡留下不能磨滅對香港呢班恐怖分子嘅陰影 我想問我有冇得從法律途徑去追討呀 可能我自己個人有少少問題啦有啲強迫症 週街知嗰啲街朝又黑又沉又物 我每次行過都好驚 又有冇得向人追討㗎 可能再加上我有啲妄想被害症 每次過馬路我都見到冇曬欄桿好冇安全感我唔敢亂咁過馬路 我想問我有冇得向咩人追討 仲有每次見到週街用啲黑色漆油噴到周圍都係仔 但係噴到歪歪斜斜我啲強迫症又影響到我搞到我唔想見到行每一條路都要兜好遠路先去到目的地咁樣我啲時間上又可唔可以向人哋追討 請問有冇大律師公會嘅可以幫我解答下問題
2019年09月18日03:38
Mable Yang 狗屁調查!這些機構的誠信才是讓市民逐漸看到背後的毒蛇藏鏡人，蛇鼠一窩破壞香港的自由安定。
2019年09月18日04:43
ki hong Lo 又係咁假新聞！立～腸旨（作者）鳴謝？
2019年09月18日04:05
顯示全部