行山分分鐘仲有人過行街！ K Kwong博士提倡行山禮儀

化學博士K Kwong除咗發明口罩比香港人用，仲好關心時下熱話，有見疫情下全民行山，鄘博士提醒大家要守疫情下六個行山禮儀，唔好健康行山變相中招！

1. 去「高危行山徑*」時，或10零米内2個人時，請全程帶口罩。

1. 上山除口罩後自己帶走，勿放入垃圾桶，馬騮同牛牛會摷垃圾桶。
   
2. 除咗口罩後，請注意附近有冇人行，如果有人行，請勿做「危險行為」產生飛沫，例如：咳、吐口水、大聲講嘢。
   
3. 見到有人後面跑山趕上亦不必向後望，只要左、右移動就可以，果D「跑山友」有可能一路跑一路好大力呼吸，飛沫會比較多。
   
4. 非常時期，可以唔進行平時嘅行山禮儀「見到迎面山友大聲打招呼」，點點頭亦可以，以免產生飛沫。如果係「跑山友」迎面而嚟，你知點做啦。
   
5. 多D硏究地圖，或問人，邊度少D人行。我自己去果D，一般都冇乜人識去，寫俾你都冇乜用，例如：西流江、大水湖、青松紅壑@青山腹地、杯靈雙渡（圓頭山，青蝶脊）、長咀、大蛇灣、女婆山、老虎騎石、牛耳石山、鹿巢山、石獅山、乾隆古道 ……太多太多

*【高危】4大徑、郊遊徑(例多黄龍坑、船灣）、獅子山、九徑、太平山、平/長/南/東/塔/蒲等等島仔。

不過唔少網友都留言，話其實新手行山徑大多數都人滿為患，唔止鄘博士講嘅４處高危咁少，星期六日都度度都係高危地區。