當年橫掃香港青年文學獎攞過唔少獎，又曾經被王祖藍重用穩坐《老表》系列編劇，才女吳沚默（MoMo）唔止識編識寫亦都有文青氣質外形出眾，所以近年都係拍劇為主，呢期兩線劇集《大醬園》同《法證先鋒IV》都見到
佢演出，反而編劇作品愈嚟愈少。
撰文：東方新地、圖片：東方新地/吳沚默IG
吳沚默從幕後衝出幕前
廣告（請繼續閱讀本文）
電影系畢業的Momo身兼演員、作家和編劇三職，作品有《老表你好嘢》系列和彭浩翔電影《同班同學》等，自己也有寫小說和投稿到不同媒體，是名副其實的才女。當年因為王祖藍找她一起寫劇本，後又鼓勵她入讀藝員訓練班，正式從幕後走到幕前。
廣告（請繼續閱讀本文）
成為藝員後，Momo不時都會喺網絡上載照片，等大家可以睇到佢才女同藝員以外嘅另一面。
廣告（請繼續閱讀本文）
劇接劇生活忙碌，家住將軍澳就近電視城返工方便，日前就見吳沚默收工轉車搭小巴代步。落車行到屋苑其實就唔係好長一段路，不過MoMo連上落樓梯去到屋苑大堂都全程機不離手，睇路小心安全好喎！