利用外科手術，例如抽脂、扎胃，以減肥目的嘅醫療手段，已經唔係新鮮事。
近年，隨著人工晶片發展更迅速 (包括鋰電池壽命更長)，喺人體注入晶片以治療慢性疾病亦日漸普遍。最近，終於有人嘗試利用人工晶片用以減肥，仲取得了初步成果。
廣告（請繼續閱讀本文）
美國有醫療科技公司近年開發一套大腦神經系統晶片，稱為 RNS (Responsive Neurostimulation System)，原先嘅目的係治療吸毒、酗酒、吸煙等成癮疾病。科學家發現，每當病患者開始「吊癮」時，大腦會出現局部癲癇情況。呢個時候，人工晶片會以電擊制止癲癇，減輕病患者上癮嘅情況，最後甚至戒絕惡習。
後來，有關研究團隊擴大測試範圍，將晶片用以減輕部份癡肥病患者對飲食嘅倚賴，從而令佢哋可以輕鬆減肥。佢哋將晶片植入白老鼠身上去控制老鼠嘅進食次數及份量，發覺效果良好。佢地估計，只要將晶片植入人體18個月，就足以改變一個人嘅飲食習慣，食得健康。
廣告（請繼續閱讀本文）
有關科研公司聲稱五年後有關晶片可在人體植物，目標係一啲扎胃手術失敗嘅癡肥病患者。不過諗深層，用晶片去改變一個人嘅生活習慣，究竟係咪合乎道德呢? 呢次晶片改變你嘅飲食習慣，下次會唔會改變埋你嘅投票取向? 筆者對於科技只係識條鐵，只係越諗越驚……
資料來源: 英國《每日電訊報》
Fitz連結: https://fitz.hk/?p=124310
廣告（請繼續閱讀本文）
The post [高科技減肥] 植入晶片控制飲食 appeared first on Fitz • Get Moving.