話咁快就來到12月31日除夕夜，好多人都會去維港海旁睇煙花倒數迎接2019年的來臨。最近官方方面就率先披露2018年除夕夜倒數煙花的模擬短片，而2018年除夕煙花匯演有4大重點，一齊睇吓今年2018除夕煙花匯演到底如何。
今日凌晨12點維港上空將上演歷時10鐘的煙火音樂匯演，而ViuTV 99台將會首次全程直播，咁大家在家中都可以睇到除夕煙花啦。
五層視覺效果
廣告（請繼續閱讀本文）
今年新增樓頂射燈效果，令匯演的視覺畫面由下而上（即由維港海面至上空）共構成五個層次，整體構圖更加豐富、絢麗。
首次引入獲獎意大利煙花呈獻「星空萬花筒」
廣告（請繼續閱讀本文）
除了新增樓頂射燈效果之外，今年煙花仲採用了在多個國際比賽中獲獎的意大利煙花，上演「星空萬花筒」，到時將會有不停轉變形狀及顏色的煙花「萬花筒」，令人目不暇給。
維港上空現花海
廣告（請繼續閱讀本文）
除了有萬花筒煙花外，匯演壓軸一段仲會有長達1分鐘的「花海匯演」，到時會有45款不同的煙花圖案，包括有牡丹、菊花、櫻花及紫羅蘭等不同花卉圖案，將維港上空化為一片美麗的花海，另外亦有糖果、笑臉同心形等圖案，令除夕氣氛更高漲。
人氣歌星炒熱現場氣氛
現場當然仲有多個歌手同大家一齊迎接2019年，包括有林子祥、新晉男子組合MIRROR同江海迦(AGA)等在文化中心觀景台同大家見面。
其實在今晚11點開始3座位於港島的建築物，每隔15分鐘都會在樓頂發放4色「許願流星」煙火。而官方為了等大家可以有一個更好的位置欣賞煙花，特意提供了5大靚位睇煙火音樂匯演的地點，包括：尖沙咀海濱花園、香港文化中心露天廣場的沿海一帶、中環海濱、中環9號和10號碼頭一帶同 灣仔金紫荊廣場。想睇到靚煙花的朋友仔記得早啲去以上地方霸位啦。
活動資訊
- 開放日期: 2018年12月31日
- 地點: 香港維港2旁