30歲生日獲四眼男錫錫！林欣彤落淚：我都咁愛你

歌手林欣彤（Mag）6月被天堂鳥（BOP）成員Tyrese狠飛，不過佢已經極速收拾心情，今日30歲生日嘅佢，喺社交網大晒社幸福，仲有四眼男向佢獻吻添，咁快公開新戀情？

原來呢位四眼男係佢細佬，兩姊弟感情一向好好，不過細佬就好慚愧話：「喺你需要人聆聽嘅時候，我冇當一回事，仲同你鬧交。喺你最低潮嘅時候仲講咗好過分嘅說話，講埋晒啲嘢全部幫自己辯駁，冇理你感受，搞到你好傷心好傷心好傷心…」但佢終於醒覺話會：「我會從頭慢慢學習做你細佬，陪你行落去，同你分憂，照顧你…」搞到阿Mag都喊：「我哭了⋯⋯無論你係點我都咁愛你㗎細佬！」

Mag仲上載全家福，留言：「今年第六個生日蛋糕～～感恩我擁有這麼可愛的家人～

感激爸爸媽媽把我帶到這個世界～我好愛你們三個，和兜兜！💓辛苦爸媽煮了這麼美味和豐富的一餐給我吃！😋希望我們能繼續簡簡單單、開開心心地生活下去～」冇愛情仲有親情，一樣可以幸福嘅！

東網網站 : https://on.cc/

東網Facebook專頁 : https://www.facebook.com/onccnews/