ViuTV《全民造星3》以真人騷形式選秀，今季不但加入女參賽者，並以藝人再出道做主題，不少入行多年或早有演出經驗的參賽者，當中有一位是18年落選亞姐傅美霖Angel面試時表演唱歌，魔音令台下評判不堪入耳，花姐不留情面狠批：「衰過我唱K﹗」，亞姐Angel(傅美霖）透露報名及選歌都是由其母決定，一秒辣爂評判彭秀慧反問為何唔叫阿媽來參賽？亞姐Angel喊住話自小由阿媽掌控生活，阿媽一直想她入行，她只有言聽計從，有時太坦白並非一件好事﹗
文：東方新地 ｜ 圖：ViuTV截圖
亞姐Angel魔音嚇親評判
《全民造星3》入圍的83位男女參賽者，由於各有演出經驗或早已入行，監製花姐（黃慧君）及評判自然提高要求，對表現未如理想的會點名狠批。當中一名參賽者傅美霖Angel，曾於兩年前參選亞姐落敗，節目播出她面試時的片段，她選唱了國語歌〈小幸運〉，一颷高音便全走音，評判林二汶皺晒眉，彭秀慧更側晒頭，花姐忍唔住起身話：「仲衰過我唱K﹗」
惹怒評判彭秀慧：你唔叫阿媽嚟參加﹗
彭秀慧續問〈小幸運〉呢首歌邊個揀？亞姐Angel（傅美霖）戰戰兢兢答：「我娘親幫我揀嘅﹗」彭秀慧再問：「你選過亞姐？點解會去選亞姐？」亞姐Angel答：「因為媽媽好想我入行﹗所以幫我報晒所有平台的選美活動﹗」評判們聽後一臉驚訝再問今次參加又係邊個報名呢？亞姐Angel話：「我阿媽睇中《全民造星》好耐，一、二季都係男仔，一見到《全民造星3》有女仔，即刻幫我報名，我收到Viu通知我去面試，我先知阿媽幫我報咗名﹗」亞姐Angel問乜都係拎阿媽出來，令評判甚為不滿，彭秀慧拋下一句：「你唔叫你阿媽嚟選？」亞姐Angel唔識死笑笑口答：「我阿媽可能好想嚟選﹗」
花姐質問：「唔好理你阿媽，我問你，你最想做乜？」
花姐連珠發炮：「我係選有夢想嘅年輕人，唔係年輕人有夢想嘅阿媽選舉喎﹗我依家問你唔好理阿媽，咁你最想做乜？你嘅夢想係乜呀？」亞姐Angel呆在當場，不停以笑遮臉。其後接受訪問時亞姐Angel爆喊，指被花姐當場問「最想做乜？」時滿腦空白，亞姐Angel喊住自小生活、大小事項都由阿媽決定，自己好少有意見，就算有，最後都係阿媽去決定，根本唔知自己想做乜，所以被花姐質問時，感到好震撼，先知21歲女都唔知自己想做乜﹗
跳拉丁舞令評判另眼相看
亞姐Angel雖然面試時被評判狠批，不過仍然能進入淘汰賽，當晚她唔表演唱歌而是表演跳拉丁舞，由於跳得有板有眼，而且跳時充滿自信，跟唱歌時頭耷耷不停以笑遮窘態，相距甚遠， 令評判另眼相看，評語有讚有彈，不過最後還是未能晉級。
18年參選亞姐獲才藝奬
亞姐Angel參加《全民造星3》前曾於18年參加過亞姐選舉，當年因在才藝表演環節表演拉丁舞，而獲得「最佳才藝奬」，亞姐Angel自小在母親培養下學舞，不停四出參加比賽，不過還未能令她成功入行，有網民提議其母為她報名ViuTV的另類美選節目《最後一屆口罩小姐》，好大機會在Viu台再見到亞姐Angel參賽。