TVB清談節目《代溝關注組》由區永權、張秀文做主持，長輩代表有鼎爺李家鼎、肥媽、黑妹李麗霞；而後輩代表就有楊潮凱、黎學勤、陳詩欣、蔡嘉欣、林正鋒。嘉賓們探討的代溝主題是「四大長老矛盾爆發」，鼎爺竟自爆曾被苛索擺100圍酒席加上禮金。
撰文：Clara | 資料、圖片來源：TVB節目《代溝關注組》
《代溝關注組》四大長老矛盾爆發
講起「四大長老」，即是男、女方的父母，跟初戀情人結婚的楊潮凱想親切一點，會叫老婆父母做「媽咪」、「爸爸」，他覺得叫做外母、外父，會顯得大家關係很生疏。但肥媽不認同，她覺得沒有規矩。張秀文不明白：「當自己媽咪咁錫喎？！」肥媽解釋：「如果我同女婿同枱食飯，佢叫我做阿媽，佢叫阿媽又叫做阿媽，你估有無唔舒服？」後來楊潮凱解釋如果自己在四大長老同場時，會叫自己媽媽做「阿媽」，叫外母做「媽咪」，叫法上有點分別。
被問到如果父母反對下，會不會堅持婚事，後輩一族都話會堅持。例如黎學勤話父母始終有人會離開人世，仔女長大後亦會另組家庭，只有另一半是會陪伴自己一生一世，不過肥媽就笑他好有自信：「我哋就放長雙眼睇你喇！」黎學勸聽罷苦笑。長輩代表方面，鼎爺都話會，他還有一個特別方法「焗結」，就是與女方先弄大肚子，到時雙方父母就無言以對，不能反對：「揚咗出去就唔好聽！」李麗霞就話自己曾經「焗結」，原來她17歲做媽媽，誕下女兒，飛到加拿大結婚。
鼎爺曾被苛索100圍酒席同禮金
傾禮金都很容易觸發四大長老的矛盾，陳詩欣表示自己聽聞有朋友女家要求男方給50萬禮金加一部車，還有其他禮物，雖然最後男家願意給，但講明這一世都不年再同枱食飯，以後女家遇到甚麼困難，他們都不會幫忙。鼎爺就話自己正是人辦，他自揭曾被苛索100圍酒席，還要某個數字的禮金，他自嘴嘴巴很壞，故向女家說：「你有無咁多人去飲啊？你有無100圍嘅人嚟飲先？有我包起你，當埋底褲都得！」但最後女家只係得10圍，有剩90圍的酒席錢，女家自己私吞，令鼎爺很生氣：「有無搞錯？又禮金、又酒席你袋埋，係咪離譜呀？我話得！斷六親，你夠膽斷六親，我就靜雞雞畀你…好多呢啲嘢發生。」
肥媽就話新抱是印度人，原來印度規定女家要向男家付嫁妝，所以一開始她跟女家見面時還很緊張，想著要給對方幾多禮金，怎料對方媽媽說：「我無錢畀你㗎。」她即刻放下心頭大石，笑言：「唔緊要！呢一鋪易搞 、易交代啦！幾開心啊！」之後兩家人吃飯時氣氛非常愉快。
肥媽要新抱生仔承諾全包養
在場長輩代表被問到如果新抱不願意生小朋友，他們會如何說服，肥媽話承諾會為後代「負責任」：「意思係我會幫手。我新抱一生完就幫佢買套票，叫佢去減肥。你生就得㗎喇！你完全唔使擔心經濟上問題，有無人湊，識唔識照顧。依家點解會有矛盾？啲老人家…你又唔出錢，又唔幫手湊。」成功說服女生們願意生B，陳詩欣表示會生三個、蔡嘉欣話會生夠10個。